2 Kings 9:21 - Hawaii Pidgin Bible

²¹ Joram tell, “Make ready my war wagon.” An wen stay ready, Joram, da Israel king, an Ahaziah, da Judah king, ride out, inside dea two war wagon fo go fo meet Jehu. Dey meet him on top da land dat Nabot, da guy from Jezreel, wen own befo Ahab take um ova.

2 Kings 9:21 ပူးပေါင်းရင်းမြစ်များ

1 Kings 20:14

Ahab tell um, “Wat part a da army you goin use fo do dis?” Da guy dat talk fo God tell, “Lissen up. Dis wat Da One In Charge tell: ‘Da young guys dat work unda da officer guys from da odda districks goin do um.’ ” Da king tell, “Who goin tell um wen fo attack?” Da guy dat talk fo God tell, “You.”

2 Records 22:7

But wen Ahaziah go visit Joram, God use dat fo make Ahaziah come wipe out. Cuz one time wen Ahaziah stay ova dea wit Joram, he go out wit Joram fo meet Jehu, Nimshi boy. An Jehu was da guy dat God give da kuleana fo wipe out all da Ahab ohana.

Micah 1:13

You peopo dat live Lakish, da Horse Town, Tie da war wagons to da horses fo you run away! Cuz you guys was da firs ones dat wen do bad kine stuff Wen you guys wen copy wat da Israel peopo stay do. Az how you guys wen lead da Jerusalem peopo Fo do bad kine stuff too.

Census 20:14

From Kadesh, Moses sen messenja guys by da king fo da Edom peopo. He tell, “Dis wat yoa braddah Israel tell: You know bout all da hard time us guys wen suffa.