2 Kings 9:20 - Hawaii Pidgin Bible

²⁰ Den da watcha guy tell Joram guys, “Da messenja guy reach dem, but he no turn aroun come back too. An ony get one guy dat drive war wagon any kine lidat. Dat gotta be Jehu, Nimshi grankid!”

2 Kings 9:20 ပူးပေါင်းရင်းမြစ်များ

2 Samuel 18:27

Da watcha guy tell, “Da way how da firs guy run, he run jalike Ahimaaz, Zadok boy!” Da king tell, “He one good guy. He stay come fo tell good kine stuff.”

1 Kings 19:17

Hazael goin kill plenny peopo wit his sword, an da ones he no kill, Jehu goin kill um. An da ones Jehu no kill wit his sword, Elisha goin kill dem.

2 Kings 10:16

Jehu tell, “Go come wit me, an see how I go all out fo Da One In Charge.” Den Jehu let Jehonadab ride wit him inside his war wagon.

2 Kings 9:19

So King Joram sen anodda messenja guy on top one horse. Wen he come by Jehu guys, he tell dem, “Dis wat da king tell, ‘You guys come fo fight us, o wat?’ ” Jehu tell, “Wassup wit you bout no fight us, aah? Go come wit me, we go fight ova dea!”

2 Kings 9:2

Wen you get dea, look fo Jehu, Jehoshafat boy an Nimshi grankid. Go by him, an take him inside one empty room inside da house, so da odda officer guys no can hear wat you tell.

Teacha 9:10

Wateva work you get, geev um wit all yoa powa! Cuz inside da Mahke Peopo Place wea you going, no can work, no can make plan, no can know stuff o know wat fo do erytime.

Isaiah 54:16

“Tink bout dis! I da One wen make da guy Dat work wit da iron, An fan da coals fo make fire, An make tings peopo use fo fight. An I da One make da army guys Dat wipe out da peopo.

Daniel 11:44

But he goin hear stuff from da east an da north, an dat goin make him come real sked. So he goin go dea real huhu an go out fo wipe out plenny peopo.

Habakkuk 1:6

“You know wat I goin do?! I goin make da Babylon peopo come strong. Dey like hurt peopo, An dey no tink befo dey do stuff. Dey go all ova da wide places on top da world. Dey take ova land dass not deas.

Habakkuk 3:12

You stay huhu, an you walk thru da earth. You huhu, an you make to da nations Jalike wen peopo wack da wheat Fo split um from da junk kine stuff.