2 Kings 8:13 - Hawaii Pidgin Bible

¹³ Hazael tell, “Eh boss! Me, I nobody spesho, you know! How come I can do big kine stuff lidat?!” Den Elisha tell him, “Da One In Charge wen show me dat you goin come da Aram king.”

2 Kings 8:13 ပူးပေါင်းရင်းမြစ်များ

2 Samuel 9:8

Mefiboshet go down in front David an tell, “Who me, boss, dat you even tink I importan?! Cuz I ony junk, you know, jalike one mahke dog!”

1 Kings 19:15

Da One In Charge tell Elijah, “Go back, da same way you wen come. From dea, go inside da boonies nea Damascus town. Wen you reach dea, put olive oil on top Hazael head, fo show I stay pick him fo come king fo da Aram peopo.

2 Kings 13:22

All da time Jehoahaz stay king, Hazael da Aram king put presha on da Israel peopo.

2 Kings 8:10

Elisha tell Hazael, “Go tell Ben-Hadad, ‘Fo shua you goin live.’ But Da One In Charge wen show me dis too, dat Ben-Hadad goin mahke fo shua.”

Songs 22:16

Da bad guys come all aroun me Jalike wild dogs dat stick togedda. Jalike one gang, dey come close fo hurt me. Jalike one lion, dey rip into my hands an feets.

Songs 22:20

No let dose guys wack me wit dea swords an kill me! Dose guys dat stay ack jalike dogs, No give um da powa fo take away my life, Da ony one I get!

Jeremiah 17:9

“Us peopo, inside we stay sly, fo real kine! Jalike us get one sick dat no can come good. No mo nobody undastan how bad us!”

Micah 2:1

“Bummahs, fo da guys dat make plan fo do bad kine stuff! Dass wat dey tink bout wen dey res on top dea bed. Den wen da sun come up dey go do um, Cuz dey get da powa fo do um.

Matthew 7:6

“No give stuff dat stay spesho fo God to da guys dat goin talk bad bout um an goin wase um. Cuz dey jalike da dogs dat goin turn aroun fo attack you guys. An dey jalike da wild pigs—if you give um fancy kine jewelry dat worth plenny, dey ony goin walk all ova on top um. Den dey goin turn aroun an wase you guys.

Philippi 3:2

Eh! Watch out da kine peopo dat ack pilau kine! Dey da kine peopo dat erytime do bad kine stuff. Dass da kine peopo dat tell gotta put knife mark on da body jalike da Jew peopo do um.

Jesus Show 22:15

Outside da town get da peopo dat dey jalike dogs, da peopo dat put kahuna on top watevas, da peopo dat fool aroun somebody, da peopo dat like murda oddas, da peopo dat go down an pray to da idol kine gods, an erybody dat like fo bulai peopo.

1 Samuel 17:43

He amp up an tell David, “Wot?! You tink I ony one dog, o wat?! Az why you come afta me wit one stick, aah?!” Den Goliat tell his Filisha kine gods fo do all kine bad stuff to David.