2 Kings 7:8 - Hawaii Pidgin Bible

⁸ Da guys dat get da kine sick all ova da skin dat odda guys can catch, dey come da edge a da camp, an go inside one tent. Dey eat an drink, an carry away da silva, da gold, an da clotheses from dea. Den dey go hide da stuff. Dey come back, go inside anodda tent, carry away mo stuff, an hide dat too.

2 Kings 7:8 ပူးပေါင်းရင်းမြစ်များ

2 Kings 5:24

Wen Gehazi come up da hill inside Samaria town, he take da bags from da worka guys, an stash um inside da house. Den he tell da guys dat work fo Naaman fo go, an dey go.

2 Kings 7:9

Den dey tell each odda, “Wat us guys stay do, az not right! Dis, da time fo tell oua peopo all dis good stuff, an we no stay tell um. Us no can wait till da light come, cuz den us get da blame fo no tell notting! Mo betta we go right now, an tell da guys inside da king palace wat we wen see.”

Isaiah 33:23

You Assyria army guys, You jalike one boat dat da rope stay hang down An no can make da mast stan up strong An no can make da sail catch da wind. You guys get plenny stuffs, But da Jerusalem peopo, Dey goin take um all away from you guys An half half um wit da odda Jerusalem peopo. Even da guys dat no can walk good, Dey goin take away yoa stuff too.

Jeremiah 41:8

But ten a da guys tell, “No kill us! Us guys get wheat an barley, oil an honey, dat stay stash inside one field, an dat worth plenny, you know! Ony us know wea we stash um!” So Ishmael guys let um go an no kill dem wit da oddas.

Matthew 13:44

“Wen God in da sky stay King, dass jalike had rich kine stuff dat one guy bury inside one field. Get anodda guy dat find um, an den he bury um one mo time. He stay good inside. Den he sell all his stuffs fo buy dat field.

Matthew 25:18

But da guy dat get da one bag money dig one hole, an put da bag inside da groun, fo hide da boss money inside.

Joshua 7:21

Wen us guys take all da stuff from Jericho, I see one nice looking Babylon robe, wit five poun silva an one gold bar dat weigh mo den one poun. I wen like um, so I take um. I hide um unda da groun inside my tent, an da silva unda da odda stuff.”