2 Kings 7:7 - Hawaii Pidgin Bible

⁷ So befo come real dark, dey all get up an run away. Dey leave dea tents, horses, an donkeys right dea, da whole camp. Dey run fas fo stay alive.

2 Kings 7:7 ပူးပေါင်းရင်းမြစ်များ

1 Kings 10:29

Fo buy one war wagon from Egypt side, cost jalike 15 poun silva metal, an 3 poun 12 ounce silva fo one horse. Dass da same price dat all da king guys fo da Het peopo an da Aram king guys pay too.

1 Kings 20:20

All da Israel guys pick one Aram guy in front dem an kill um. Den da odda Aram guys run away, an da Israel guys chase um. Da Aram king, Ben-Hadad, he ride horse run away, an some a da horse rida guys do da same ting.

Job 18:11

All aroun da bad guys, get stuff dat make um real sked, An dat bodda um ery step.

Songs 33:17

If you tink you goin get outa trouble Jus cuz you get One good kine army horse, You wrong. Da horse real strong fo shua, But he no goin help you fo run away.

Songs 68:12

“All da king guys an dea armies, Dey run away! Da wahines dat stay home, Dey half half all da stuffs Dea guys take away from da kings—

Smart Guys 21:1

Wen one king guy gotta make up his mind wat fo do, Da One In Charge, he da One Stay in charge a wat da king pick. Az jalike da guy in charge a da watta ditch. He make da watta go wea eva he like make um go.

Smart Guys 28:1

Da bad guys, dey run away Jalike somebody stay chase um, No matta no mo nobody chase um. But da peopo dat stay do wass right, Dey stay shua dey stay okay, Jalike one lion dat no sked notting.

Smart Guys 6:5

You betta run away from da deal, Jalike da deer run away from da hunta guy An da bird fly away from da trap da hunta guy wen put.

Isaiah 2:20

Dat time, da idol kine gods Dat da peopo wen make from silva an gold Fo go down an show um respeck, Dey goin throw um all away To da bats an da rats.

Hebrews 6:18

Wen God do dat, he do two tings dat no goin change eva. Numba One, he make one strong promise dat fo shua he goin do good tings fo us guys. Numba Two, he get da blame if he no do good tings fo us guys. An God no bulai nobody. He make dat promise cuz he like give us guys plenny good kine words. Dass fo us guys dat stay run to God fo get outa da bad kine stuff, fo us get da good kine stuff God wen promise he goin give us bumbye. We know he goin do dat, an we goin stay wait fo um.

Local Leadas 7:21

All dem stay wea dey stan aroun da camp. But all da Midian guys run away, yelling.

1 Samuel 14:15

Den all da odda Filisha army guys come real sked an shaking—da guys inside da camp an on top da level groun inside da valley, da small kine camps outside da main camp, an da bunches a army guys dat go out fo fight. Den, da groun shake! God da One dat make dem come even mo sked.