2 Kings 7:6 - Hawaii Pidgin Bible

⁶ Az cuz da same time da sick guys leave Samaria town, da Boss wen make da Aram army guys hear plenny noise from plenny war wagons an horses, an one big army. Da army guys tell each odda, “Eh! Da Israel king wen pay da kings fo da Het peopo an da Egypt peopo fo come attack us guys!”

2 Kings 7:6 ပူးပေါင်းရင်းမြစ်များ

2 Samuel 10:6

Da Ammon peopo know dat dey wen make pilau kine to David. So dey pay da Aram king guys Syria side fo sen um army guys: da king guys from Bet-Rehob an Zobah sen um 20,000 infantry guys. From da king fo Maakah, dey get 1,000 army guys. An from Tob dey get 12,000 army guys.

2 Samuel 5:24

You goin hear one noise inside da tops a da balsam trees. Goin soun jalike army guys marching up dea. Dass wen you gotta be ready fo go real fas, cuz dass me, Da One In Charge, going out in front you fo wack da Filisha army guys.”

1 Kings 10:29

Fo buy one war wagon from Egypt side, cost jalike 15 poun silva metal, an 3 poun 12 ounce silva fo one horse. Dass da same price dat all da king guys fo da Het peopo an da Aram king guys pay too.

1 Kings 20:20

All da Israel guys pick one Aram guy in front dem an kill um. Den da odda Aram guys run away, an da Israel guys chase um. Da Aram king, Ben-Hadad, he ride horse run away, an some a da horse rida guys do da same ting.

2 Kings 19:7

Cuz you know wat I goin do?! I goin jam up da king head. He goin hear wat somebody tell, an he goin figga dat he betta go back his land. An wen he get dea, I goin make somebody go kill him wit one sword.’ ”

2 Kings 7:5

Wen start fo come dark, dey stan up fo go by da Aram camp. Wen dey come jus outside da camp, dey no see nobody ova dea!

Job 15:21

Dey hear skery kine noise. Wen dey tink eryting go good, Da guys dat like bus up peopo go afta dem.

Songs 14:5

Cuz you know wat? Bumbye, someting goin happen Fo make dem guys come real sked. Cuz God stay ery place Wea get peopo dat stay do wass right. An he stay right dea wit dem.

Isaiah 31:1

Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Isaiah 36:9

How you guys tink you goin make even one small kine officer from my boss army guys turn aroun an go home, no matta you guys trus da Egypt guys fo give you war wagons an guys fo ride on top da horses?!

Jeremiah 46:21

Da Egypt guys pay guys from anodda place Fo go fight fo dem. Dey feed um plenny fo dem come Jalike fat young cows dat peopo feed. But even dem, dey goin turn aroun An run away togedda. Dey no goin stan up fo fight. Cuz da time fo dem come all wipe out goin come on top dem, Az da time fo punish dem.

Ezekiel 1:24

Wen da four tings move, I hear da noise from dea wings, soun jalike flash flood, jalike da voice from Da God Dat Get All Da Powa. An jalike da noise from one big army. Wen dey stan still, dey let dea wings res.

Ezekiel 10:5

Can hear da noise from da spesho angel watcha tings wings all da way from da outside open lanai. Soun jalike wen da God Dass Mo Importan Den All Da Odda Gods talk.

Jesus Show 9:9

Dey get metal plate on top dea ches. Dea wing soun real loud, jalike plenny horses an wagons fo war going real fas fo fight one war.

Local Leadas 7:21

All dem stay wea dey stan aroun da camp. But all da Midian guys run away, yelling.

1 Samuel 14:15

Den all da odda Filisha army guys come real sked an shaking—da guys inside da camp an on top da level groun inside da valley, da small kine camps outside da main camp, an da bunches a army guys dat go out fo fight. Den, da groun shake! God da One dat make dem come even mo sked.

1 Samuel 26:6

Den David aks Ahimelek from da Het peopo, an Abishai Zeruiah boy, Joab braddah, “One a you guys like go wit me, down dea by Saul, inside his army camp?” Abishai tell, “Shoots! Me, I go wit you!”