2 Kings 7:4 - Hawaii Pidgin Bible

⁴ If we go inside Samaria town, no mo food inside dea, so we goin mahke dea. An if we stay hea, we goin mahke too. So, we go ova dea by da camp fo da Aram army guys, an give up. If dey let us stay alive, den we stay alive. If dey kill us, den we mahke.”

2 Kings 7:4 ပူးပေါင်းရင်းမြစ်များ

2 Samuel 14:14

Fo shua, all us peopo gotta mahke, an dass jalike wen watta spill on top da groun an nobody scoop um up one mo time. But wen peopo throw out somebody, God no goin kill da guy fo dat. He make one plan fo no make um stay too far away, an he bring um back fo shua.

2 Kings 6:24

Laytas, wen Ben-Hadad come da Aram king, he bring togedda all his army guys, an go agains Samaria town fo take um ova. He put da army guys all aroun da town, fo nobody go inside o come outside.

2 Kings 7:5

Wen start fo come dark, dey stan up fo go by da Aram camp. Wen dey come jus outside da camp, dey no see nobody ova dea!

1 Records 12:19

Befo time, wen David like go wit da Filisha guys fo fight Saul, some a da Manasseh guys change to David side. (But David an his guys neva help da Filisha guys fo real, cuz afta da Filisha guys talk bout him going wit dem, dea main leadas sen David away. Dey tell each odda, “Goin be us guys dat mahke if David change his mind an go back by his boss, Saul, from befo time.”)

Esther 4:16

“Go bring togedda all da Jew guys you can find inside Susa town. No eat food so you can pray fo me. No eat an no drink fo three day, day time o nite time. Me an da wahines dat work fo me, we goin do da same ting, no eat an no drink notting fo three days too, fo us pray. Afta we do dat, I goin go in front da king, no matta I stay broke da rules. An if I mahke, I mahke.”

Jeremiah 14:18

If I go out da country side, I see da guys dat da army guys wen kill wit swords. If I go aroun inside Jerusalem town, I see all da peopo dat stay sick Cuz no mo food. Da guys dat talk fo God an da pries guys Stay go all ova da land fo do dea work, But dey donno wat dey stay do!’ ”

Jeremiah 8:14

Da peopo goin tell, “How come us guys stay sit in dese small towns?! Go come, us go run away togedda To da towns dat get one strong wall. Fo shua us goin mahke ova dea, Cuz oua God, dass Da One In Charge a us, tell we goin mahke. Jalike he give us poison watta fo drink Cuz we wen do bad kine stuff agains him.

Jonah 3:9

Nobody know if God goin change his mind bumbye. He tell ‘Laytas’ to da kine tings us guys stay do, but maybe he goin show pity an change his mind so us guys no come wipe out!”

Hebrews 9:27

Garans erybody ony mahke one time, an afta dat, dey gotta go in front God da Judge.