2 Kings 6:27 - Hawaii Pidgin Bible

²⁷ Da king tell, “If Da One In Charge no stay help you, wea I goin find somebody fo help you?! From da place wea dey hemo da junks from da wheat? From da place wea dey step da grapes fo make wine? No ways!”

2 Kings 6:27 ပူးပေါင်းရင်းမြစ်များ

Start 50:10

Wen dey come one place fo go across da Jordan Riva, da place dey call Goren Ha-Atad, dey cry plenny an real loud fo Israel. Joseph make funeral seven day fo his mahke faddah.

2 Kings 6:26

One time, wen da Israel king stay walk on top da town wall, an one Samaria wahine yell to him, “My boss da king, help me get outa trouble!”

2 Kings 6:28

Den he aks her, “Wat kine problem you get?” She tell, “Get dis wahine dat tell me, ‘Give me yoa boy, fo me an you eat him today! Den tomorra we go eat my boy too!’

Songs 127:1

Poho da builda guys build one house, An Da One In Charge Not da one dat build um. Poho da security guard, Dat guard da town, An Da One In Charge Not da one dat watch um.

Songs 146:3

No trus some guy Jus cuz he one leada guy Wit one good heart, Cuz he ony one guy! He no goin get you outa trouble!

Songs 60:11

Go come help us guys fo fight Da ones dat stay agains us! Wase time, tink dat odda peopo Can get us outa trouble! Ony you can!

Songs 62:8

Eh you peopo! Trus God foeva! Tell him eryting you tink bout! God, he da One Stay hide us guys from trouble. (Time out fo da music.)

Isaiah 2:2

Bumbye, wen da world almos pau, God goin make da hill wea da Temple Fo Da One In Charge stay, Come da mos importan place in da whole world, Mo importan den da odda hills. Den all da peopo from odda countries Goin come dea.

Jeremiah 17:5

Dis da message from Da One In Charge: “Da guys dat stay strong ony trus peopo, not me. I goin put kahuna on top dem. Dey tink, cuz dea body strong, dey strong enuff. But da way dey tink, dey stay bag from me, Da One In Charge.