2 Kings 5:23 - Hawaii Pidgin Bible

²³ Naaman tell, “Okay! Take 150 poun silva.” He make Gehazi take um. He tie up da 150 poun silva inside two bag, an clotheses fo two guys. He give da two bag to his worka guys, an dey carry um in front Gehazi.

2 Kings 5:23 ပူးပေါင်းရင်းမြစ်များ

Start 33:11

Az why, take da present I give you. God do plenny good kine stuff fo me, an I get plenny stuffs.” Jacob stay tell Esau fo take da present, an den Esau take um.

1 Kings 20:7

Den da Israel king call all da older leadas from da land an he tell, “You guys, wat you tink bout dis?! Dis guy stay looking fo make trouble, an fo how he do bad kine tings to us! Wen he wen sen messenjas fo tell me gotta give him my wifes an kids an silva an gold, I neva tell him no.”

2 Kings 12:10

Den, weneva da pries guys see dat get plenny silva inside da box, da king secretary an da Main Pries Guy come, count da money dat get inside da Temple Fo Da One In Charge, an put um inside bags.

2 Kings 2:17

Dey stay tell “But gotta make shua he no stay!” till Elisha come shame fo tell um no, one mo time. So he tell, “Kay den, let um go look.” Dey sen fifty guys dat look fo three days, but dey no find Elijah.

2 Kings 5:16

Elisha tell him, “No need do notting fo me! Fo shua, Da One In Charge stay alive, an I work fo him! I no goin take notting!” Naaman still try fo make him take someting, but he no take um.

2 Kings 5:5

Da Aram king tell, “Shoots, you gotta go. I goin give you one letta fo da Israel king.” So Naaman go, an take 750 poun silva, 150 poun gold, an fancy kine clotheses fo ten peopo.

2 Kings 6:3

Den one a dem tell, “We like you come wit us guys, aah? cuz you oua boss.” Elisha tell, “Shoots. I come wit you.”

Isaiah 30:6

I get real bad stuff fo tell bout wat I see goin happen wit da animals da peopo use fo cross da boonies in da Negev, from Judah to Egypt: “Da Judah peopo going thru da Negev land Wea erybody get hard time An suffa plenny. Get plenny lions ova dea. Get all kine snake dat can kill you, An da kine snake dat you no see um an come out bite you An make you feel jalike you stay burning up. Da Judah peopo take dea rich stuffs dea On top donkeys an camels, Fo pay da Egypt peopo fo help dem. But da Egypt peopo no goin do notting good fo dem!

Luke 11:54

Dey like trick him wit wat he tell dem fo dem bus him.