2 Kings 5:22 - Hawaii Pidgin Bible

²² Gehazi tell, “Eryting stay okay. My boss wen sen me fo tell, ‘You know, jus now two young guys come by me from up country Efraim side. Dey da kine guys dat stay learn fo talk fo Da One In Charge too. So try give dem two guys 75 poun silva an two set clotheses.’ ”

2 Kings 5:22 ပူးပေါင်းရင်းမြစ်များ

1 Kings 13:18

Da ol guy dat talk fo God tell um, “I one guy dat talk fo God too, jalike you. An one angel messenja guy wen tell me wat Da One In Charge tell. He tell, ‘Bring da guy back wit you yoa house fo eat an drink.’ ” (But da ol guy dat talk fo God, he bulai.)

1 Kings 20:35

One a da guys dat hang out wit da guys dat talk fo God tell anodda talka, “God wen give me one spesho message fo you. You gotta wack me.” Da odda guy tell um, “No way! I no goin wack you!”

1 Kings 20:39

Wen da king come by dea, da guy dat talk fo God yell to him. He tell, “Eh boss! I wen go inside da middo wea dey stay fight. One guy come by me wit one Aram prisona. He tell, ‘Watch dis guy real good! If he run away, you goin pay wit yoa life, o you pay fine 75 poun silva!’

2 Kings 2:15

All da guys from Jericho dat stay learn how fo talk fo God see dis. Dey tell, “Da same kine spirit dat wen stay in charge a Elijah, stay take ova Elisha awready!” An dey go meet him, an go down on top da groun in front him fo show respeck.

2 Kings 2:3

All da guys Bethel side dat stay learn how fo talk fo God, come outa da town by Elisha. Dey tell Elisha, “You know Da One In Charge goin take away yoa boss Elijah from you today?” Elisha tell, “Yeah, I know. But no need talk bout dis.”

2 Kings 2:5

All da guys Jericho side dat stay learn how fo talk fo God, go by Elisha. Dey aks him, “You know Da One In Charge goin take away yoa boss Elijah from you today?” Elisha tell, “Yeah, I know. But no talk notting bout dis.”

2 Kings 2:7

Get fifty guys Jericho side dat stay learn how fo talk fo God, an dey go too. But dey stop, an no go nea da place wea Elijah an Elisha stay stan by da Jordan Riva, cuz dey like see wat goin happen.

2 Kings 4:26

Run go meet her, an aks her if she stay okay, if her husban stay okay, an if her boy okay.” Den Gehazi go. She tell um, “Yeah, eryting stay okay.”

2 Kings 5:21

So Gehazi stay run afta Naaman. Wen Naaman see Gehazi running afta him, he get down from da war wagon fo go meet him. He tell, “Eryting stay okay, aah?”

2 Kings 5:25

Den he go inside da house an stan in front his boss Elisha. Elisha aks, “Gehazi, wea you wen go?” Gehazi tell, “Me, yoa worka guy, I neva go no place.”

2 Kings 5:5

Da Aram king tell, “Shoots, you gotta go. I goin give you one letta fo da Israel king.” So Naaman go, an take 750 poun silva, 150 poun gold, an fancy kine clotheses fo ten peopo.

Isaiah 59:3

You guys kill peopo an dey bleed an mahke, Jalike yoa hands stay dirty wit blood. God goin punish you guys fo all da kine stuff you do, An jalike yoa fingas get dirt all ova um From da tings you wen do Dat God goin punish you fo. You guys talk all bulai kine tings. You guys ony talk bout tings dass not right.

Jeremiah 9:3

Dis da message from Da One In Charge: “Dey get dea mout ready fo bulai, Jalike how you make one bow ready fo shoot arrows. An cuz dey bulai an you no can trus um, Az how dey win inside da land. Dey do one bad kine ting, an den anodda bad kine ting. But me, Da One In Charge, dey donno who me!”

Jeremiah 9:5

Ery fren bulai dea fren. No mo nobody tell da trut. Dey teach dea tongue fo bulai. Den dey come tired Cuz dey make eryting come hamajang.

John 8:44

“You guys come from yoa faddah, da Devil! You guys like do da kine stuff he like do. From da start, he like kill peopo. He no like da trut, cuz no mo notting true inside him. He erytime bulai, cuz dass wat he like do. He da firs guy eva wen bulai, cuz dass how he stay.

Joshua 24:33

Eleazar, Aaron boy, mahke, an dey bury him Gibeah side, inside da land dey give to Finehas, his boy, up country Efraim side.

Jesus Show 21:8

But da peopo dat no do notting cuz dey sked, da peopo dat no trus God, dat ack pilau kine, dat murda oddas, dat fool aroun somebody, dat do bad kahuna kine stuff, dat go down an pray to da idol kine gods, an erybody dat bulai somebody, dey goin go inside da lava lake dat stay burn wit sulfur. Dass wen dey mahke da secon time.

Local Leadas 14:12

Samson tell, “I like tell you guys one riddle. If you guys can tell me wat dat mean befo da seven days pau fo da wedding luau, I goin give you guys thirty linen kine shirts, an thirty odda fancy kine clotheses.