2 Kings 5:12 - Hawaii Pidgin Bible

¹² Da rivas Damascus side, Abana an Farpar, dey mo betta den all da watta inside Israel! How come I no can wash inside dem an come clean?!” Az why he real huhu, an he turn aroun an go.

2 Kings 5:12 ပူးပေါင်းရင်းမြစ်များ

2 Kings 2:14

Den he take da robe dat wen fall down from Elijah, an wack da watta wit um. He tell, “Da One In Charge, you stay by me, o wat? You da God Elijah wen pray to!” Wen Elisha wack da watta, da riva open up to da right side an da lef side, an he walk ova da odda side.

2 Kings 2:8

Elijah take off his robe, roll um up, an wack da watta wit um. Da watta open up to da right side an da lef side, an da two guys go da odda side on top da dry groun.

2 Kings 5:11

But Naaman come all huhu, an go way from dea. He tink, “Garans he come out hea by me, an stan dea, an use da name fo his god, Da One In Charge, fo call out to him fo help cuz he know wat kine god him! I tink garans he wave his hand ova da place wea I get da kine sick, an make um come good!

2 Kings 5:17

Den Naaman tell, “Kay den, if you no goin take notting, let me, yoa worka guy, take back some dirt from hea, enuff dirt dat need two mules fo carry um. Cuz now, no way I goin make one burn up kine sacrifice, o odda kine sacrifice, fo no odda gods, but ony fo Da One In Charge!

Smart Guys 14:17

Da hot head kine peopo, Dey do stupid stuff. An da peopo dat make sly kine plan, Erybody hate dem.

Smart Guys 16:32

If you can stay so notting bodda you, Az mo betta den be one guy dat can fight good. If you can come so notting bodda you wen you stay mad, Az mo betta den take ova one big town.

Smart Guys 19:11

Wen you tink az good fo know how come tings happen, You no goin come huhu real quick. An if somebody go agains you An dat no goin bodda you, Plenny peopo goin respeck you!

Love Song 4:8

Go come stay wit me, my bride, No matta you stay far, Lebanon side! No matta you gotta leave da top a Mount Amana, O Mount Senir, o da top a Mount Hermon! Go come by me from da place wea da lions stay, An from da hills wea da leopards stay!

Jeremiah 49:23

Dis wat Da One In Charge tell bout da Damascus peopo: “Hamat town an Arpad town, Da peopo dea donno wat fo do. Cuz dey wen hear bad kine stuff Bout wat wen happen Damascus side. Dey all bodda inside cuz a dat. Dass why dey stay nerjus, Jalike da ocean dat no can stop go up an down.

Zekariah 13:1

Da One In Charge tell dis: “Dat time, jalike God goin open one puka fo watta fo da David ohana an da peopo inside Jerusalem. An from dat watta, dey goin make dea peopo come clean inside from all da bad an pilau kine stuff dey wen do.”

Zekariah 14:8

Dat time, fresh watta goin come out from Jerusalem. Da watta goin go half da Big Salt Lake on da east side, an half goin go da Mediterranean Sea on da west side, no matta summa time o winta time.

Mark 1:9

Dat time, Jesus come from Nazaret town, Galilee side, an John baptize him inside da Jordan Riva.