2 Kings 4:35 - Hawaii Pidgin Bible

³⁵ Elisha stan up, an walk up an down da room, den lay down on top da bed an da boy one mo time. Den da boy sneeze seven time, an open his eye.

2 Kings 4:35 ပူးပေါင်းရင်းမြစ်များ

1 Kings 17:21

Den three time, Elijah go lay down on top da boy. He call out to Da One In Charge, “Eh! You Da One In Charge! You da God fo me fo shua! Bring back dis boy life to his body!”

1 Kings 17:22

Den Da One In Charge hear Elijah. Da life come back to da boy body, an he come alive.

1 Kings 18:43

Elijah tell da guy dat work fo him, “Go ova dea an look makai side.” Da guy go an look. He tell, “No mo notting ova dea.” Seven time, Elijah tell um, “Go back look!”

2 Kings 13:21

One time wen some Israel guys stay burying one guy dat wen mahke, right den an dea dey see some a da steala gang guys, so dey throw da guy body inside Elisha tomb an go way. Wen da body touch Elisha bones, da guy come back alive one mo time, an he stan up on his feets.

2 Kings 4:36

Den Elisha call Gehazi, an tell, “Tell da Shunem wahine come hea!” So he tell her. Wen she come, Elisha tell, “Pick up yoa boy.”

2 Kings 5:10

Elisha sen one messenja guy outside fo tell: “Go wash yoa body seven time inside da Jordan Riva. Den yoa body goin come good jalike befo time, an come clean.”

2 Kings 5:14

So Naaman go down inside da Jordan Riva seven time, jalike Elisha, da guy dat stay tight wit God, wen tell him fo do. Den Naaman body come good, jalike one young boy body, an no mo da sick.

2 Kings 8:1

Anodda time, Elisha talk wit da wahine dat he wen make her boy come back alive one mo time. He tell, “Take yoa husban an yoa boy, an go some odda place live, any place you can stay long time. Cuz Da One In Charge tell, no goin get food inside dis land fo seven year. An stay start awready.”

2 Kings 8:5

Jus wen Gehazi stay tell da king bout how Elisha wen make da mahke boy come alive one mo time, right den an dea da boy muddah stay dea begging da king fo help her bout her house an land. Gehazi tell, “My boss da king, dis da wahine, an dass her boy, da one dat Elisha wen make come back alive!”

Luke 8:55

Right den an dea her life come back an she sit up. Den Jesus tell her faddah an muddah, “Give her someting fo eat.”

Jesus Guys 9:40

Peter tell um all fo go outside. Den he go down on his knees an pray. He turn aroun by da mahke wahine, an tell, “Eh Tabita! Stan up!” She open her eyes, spock Peter, an sit up.