2 Kings 4:27 - Hawaii Pidgin Bible

²⁷ But wen she come by da guy dat stay tight wit God on top Mount Carmel, she go down fo show um respeck, an grab his feets. Gehazi come ova fo push her away, but Elisha tell, “No do notting! She stay real bum out. An Da One In Charge no tell me notting yet.”

2 Kings 4:27 ပူးပေါင်းရင်းမြစ်များ

Start 18:17

Da One In Charge, he figga, “Da ting I goin do now—I like let um stay secret so Abraham no goin know, o I goin tell him?

2 Samuel 7:3

Nathan tell da king, “Wateva you tink fo do, jus go do um awready, cuz Da One In Charge stay wit you, aah?”

2 Kings 4:25

So she start fo go, an come by da guy dat stay tight wit God, Mount Carmel side. Wen he see her from far, he tell his worka guy Gehazi, “Look! Dea da Shunem wahine! Az her!

2 Kings 4:26

Run go meet her, an aks her if she stay okay, if her husban stay okay, an if her boy okay.” Den Gehazi go. She tell um, “Yeah, eryting stay okay.”

2 Kings 6:12

One a his officer guys tell, “No, my boss da king—no mo nobody stay squealing to dem. Elisha, da guy dat talk fo God, dat stay inside Israel, he da one stay tell da Israel king da words you tell inside yoa bedroom.”

Job 10:1

An Job tell, “Bum me out, Dat I gotta stay alive! Az why I goin squawk some moa. I goin talk, cuz inside, I feel all hamajang.

Smart Guys 14:10

Ony da guy dat stay sad inside Know how much he stay sore. An wen somebody stay real good inside, Odda peopo no can feel da same ting.

Smart Guys 18:14

Yoa spirit make you strong inside Even wen you sick. But if yoa spirit stay all bus up, Den you no can handle notting.

Amos 3:7

“Cuz you know, Da One In Charge a me, he erytime tell his worka guys dat talk fo him da secret plan bout wat he goin do. Laytas, he goin do um.”

Matthew 15:23

But Jesus neva tell notting. Den his guys come an beg him, “Eh, make her go way, cuz she stay follow us an stay yelling.”

Matthew 20:31

Had choke plenny peopo ova dea dat scold dem an tell um fo shut dea mout. But dey yell even mo loud, “Eh, Boss, you da guy from King David ohana! Try pity us!”

Matthew 28:9

Right den an dea Jesus meet dem an tell, “Aloha!” Dey go by him an touch his feet fo show him plenny love an respeck.

Mark 10:13

Da peopo bring dea small kids by Jesus, cuz dey like him fo put his hands on top dea heads an tell God fo do good tings fo dem. But den Jesus guys scold da peopo cuz dey wen bring da kids, an dey tink da kids goin bodda Jesus.

Mark 14:6

Jesus tell um, “Eh, no give her hard time! How come you guys bodda her? She wen do dis fo me wit plenny aloha.

Luke 7:38

She stan behind Jesus by his feets. She stay cry, an her tears make his feets wet. Den she wipe his feets wit her hair, kiss um, an pour da perfume on top dem.

John 15:15

I no goin call you guys my worka guys no moa, cuz da worka guy no undastan wat his boss stay do. But I call you guys my frenz, cuz I wen tell you guys eryting dat my Faddah wen tell me.

John 4:27

Right den an dea Jesus guys come back. Blow dea minds dat he stay talk to da wahine. But nobody tell, “Wat you like from her?” o “How come you talk to her?”