2 Kings 3:23 - Hawaii Pidgin Bible

²³ Dey yell, “Az blood! Fo shua, da kings army guys awready wen fight an wipe out each odda! Come on, you Moab guys, us go rip off dea stuffs!”

2 Kings 3:23 ပူးပေါင်းရင်းမြစ်များ

2 Kings 3:22

Da nex day, wen dey get up early morning time, da sun come up shining on top da watta. Da way da Moab peopo see um from dea side, da watta look red, jalike blood.

2 Kings 3:24

But wen da Moab guys reach da Israel army camp fo go rip off dea stuffs, da Israel guys was ready an attack dem till dey run away. Den da Israel army guys go attack da Moab land, an kill da Moab guys.

2 Kings 7:6

Az cuz da same time da sick guys leave Samaria town, da Boss wen make da Aram army guys hear plenny noise from plenny war wagons an horses, an one big army. Da army guys tell each odda, “Eh! Da Israel king wen pay da kings fo da Het peopo an da Egypt peopo fo come attack us guys!”

2 Records 20:25

Az why Jehoshafat an his army guys go fo rip off da mahke guys stuffs, an dey find plenny tings ova dea dat dey use fo fight, an clotheses, an tings dat cost plenny. Get plenny mo stuffs fo carry away den dey can handle. Take dem three days fo pick up all da stuffs.

Outa Egypt 15:9

“Da guys dat stay agains us, dey tell, ‘I goin chase um! I goin catch um up! I goin give my frenz dea share A da stuff I goin take away from dem guys! I goin do eryting I like do to dem! I goin pull out my sword an kill um! Wit ony my hands I goin make um run away from hea!’

Isaiah 10:14

I find all da silva an gold Dat da diffren peopos get. I grab um, jalike somebody take eggs from one nes! I take away stuff from peopo all ova da world, Jalike somebody take da eggs dat da muddah bird leave. Wen I do dat, nobody tell notting, O flap da wing, No even open da mout, an no squawk.’ ”

Local Leadas 5:30

‘Fo shua, dey stay rip off all da stuffs from da Israel peopo. An dey give some to each odda. All da guys get one o two girls. Sisera get nice clotheses. He get da embroida stuff, An he goin give embroida scarfs to me Fo wear aroun my neck!’ ”