2 Kings 3:15 - Hawaii Pidgin Bible

¹⁵ But you know wat? Bring me one music guy ova hea fo make me come ready fo go lissen Da One In Charge.” Wen da guy stay play da music, da powa from Da One In Charge take ova Elisha,

2 Kings 3:15 ပူးပေါင်းရင်းမြစ်များ

1 Kings 18:46

Da One In Charge make Elijah come strong. So he pull up his robe an tie um wit his belt, den he run in front Ahab all da way to da place peopo go inside Jezreel town.

2 Kings 3:16

an he tell, “Dis wat Da One In Charge tell: ‘Goin get plenny watta all ova dis dry valley.’

Songs 49:4

I lissen real good to wat God teach. I play da harp wen I tell peopo Wat da stuff mean Dat stay hard fo figga out An make you tink plenny.

Ezekiel 1:3

Dat day, had one spesho message from Da One In Charge fo Ezekiel. His faddah Buzi da pries guy. Ezekiel stay inside da Babylon land, by da Kebar Canal. Ova dea, da powa from Da One In Charge wen come inside him.)

Ezekiel 3:14

Den God Spirit lif me up, an take me away, an I come mad an all sore inside. An same time, Da One In Charge help me an make me mo strong.

Ezekiel 3:22

Da One In Charge put his hand right on top me, an tell, “Get up an go way ova by da flat place. I goin talk to you ova dea.”

Ezekiel 8:1

Six year afta King Koniah come Babylon, Septemba 18, I was sitting inside my house. Da older leadas from Judah, was sitting in front me. Right den an dea, da powa from Da One In Charge, da Boss, take ova me.

Jesus Guys 11:21

Da One In Charge help dem, an plenny peopo start fo trus him.

1 Samuel 10:5

“Afta dat you goin go by Gibeah, God place. Get some Filisha army guys camp dea too. Wen you go nea da town, you goin meet some guys dat talk fo God dat stay come down from da sacrifice place on top da hill. Dey stay wit some odda guys dat stay play small harps, tammorines, flutes, an bass harps in front dem. An da talka guys goin stay talk fo God.

1 Samuel 16:16

You oua boss, but us guys tink, maybe az good you sen us go look fo somebody dat know how fo play da harp real good. Den, weneva da bad kine spirit from Da One In Charge take ova you, he can play music, an you goin feel mo betta.”

1 Samuel 16:23

Weneva da spirit from Da One In Charge make Saul come hamajang, David take his harp an play music. Den Saul feel mo betta, an da spirit dat make Saul come hamajang leave Saul an go way.

1 Samuel 18:10

Da nex day, had one spirit from God dat was bad dat wen take ova Saul. Saul stay inside his house talking pupule kine. David play his harp, jalike erytime he stay do. Saul get one spear inside his hand.