2 Kings 3:10 - Hawaii Pidgin Bible

¹⁰ Da Israel king tell, “Wot! Fo shua Da One In Charge tell us three kings come all da way ova hea, fo da Moab king catch us guys!”

2 Kings 3:10 ပူးပေါင်းရင်းမြစ်များ

Start 4:13

Cain tell Da One In Charge, “Da way you stay punish me, mo plenny den I can handle!

2 Kings 3:11

But Jehoshafat tell, “No mo nobody dat talk fo Da One In Charge ova hea, o wat? Fo us guys aks Da One In Charge wat fo do!” One officer fo da Israel king tell, “Elisha, Shafat boy, stay hea. Befo time, he hang out wit Elijah fo help him.”

2 Kings 3:9

So da Israel king go out wit da Judah king an da Edom king. Dey march aroun da Big Salt Lake south, den east, den north. Afta dey stay march seven days, da army guys an da animals dey get wit dem, no mo watta fo drink.

2 Kings 6:33

Befo Elisha pau tell um dis, da messenja guy come by da door. Same time, da king tink lidis: “All dis trouble come from Da One In Charge. How come I gotta wait dis long time fo Da One In Charge do someting?!”

Smart Guys 19:3

If you go all out fo do stupid kine stuff, You goin jam up yoa whole life. An den you goin come huhu An tell dat Da One In Charge get da blame.

Isaiah 51:20

Yoa boys pass out. Dey lay down dea, da end a ery road. Jalike one deer dey catch inside one net. Yoa God, Da One In Charge, stay real huhu wit dem. An stay poin finga dem.

Isaiah 8:21

Da peopo goin go all ova da land, one side to da odda side. Dey goin feel plenny presha an dey goin stay hungry. An cuz dey hungry, dey goin come real huhu. Dey goin look up an swear at dea king an dea God.