2 Kings 24:4 - Hawaii Pidgin Bible

⁴ Dis Manasseh guy, he even wen kill plenny peopo dat neva do notting wrong, jalike he stay pour dea blood all ova Jerusalem town. Da One In Charge stay shua, he no goin let Manasseh go fo wat he wen do.

2 Kings 24:4 ပူးပေါင်းရင်းမြစ်များ

2 Kings 21:11

“Manasseh, da Judah king, wen do all dis pilau kine stuff. He do mo plenny bad kine stuff den eryting da Amor peopo do, dat stay dea befo he come. An he make da Judah peopo do bad kine stuff too, cuz he tell um fo pray to idol kine gods he give um.

2 Kings 21:16

Dis happen, cuz Manasseh kill plenny peopo dat no do notting bad. Jalike he fill Jerusalem wit dea blood, from one side to da odda side. An one mo bad ting Manasseh do: he make da Judah peopo do plenny bad kine stuff too, da way Da One In Charge see um.

2 Kings 23:26

Still yet, Da One In Charge stay huhu wit da Judah peopo cuz a all dat King Manasseh wen do fo make Da One In Charge come huhu.

2 Kings 24:5

All da odda stuff dat Jehoiakim wen do stay inside da Record Book Fo Da Judah Kings.

Songs 106:38

Dey make dea kids bleed an mahke No matta dey neva do notting bad. But da peopo use dea kids blood Fo make one sacrifice Fo da idol kine gods Dat da Canaan peopo pray to. Dass why da whole land stay pilau.

Smart Guys 6:17

Da peopo dat ack high makamaka, Da peopo dat erytime bulai, Da peopo dat make peopo bleed, Even if da peopo neva do notting to dem,

Jeremiah 15:4

I goin make all da diffren peopos an dea kings come bum out all ova da earth cuz a wat Manasseh, King Hezekiah boy, wen do inside Jerusalem.”

Jeremiah 19:4

Az cuz da peopo wen bag from me. Dey make dis landfill come one place fo da gods from odda places. Dey burn sacrifice ova hea fo da idol kine gods dat dey neva know befo time. Dea ancesta guys an da Judah kings neva know dose gods befo time too. An dis da place dey wen kill plenny peopo dat neva do notting wrong.

Jeremiah 2:34

You guys kill da guys dat need help, An peopo see dea blood On top you guy clotheses! An da ones you kill, dey neva do notting wrong. You guys neva even catch dem Stay broking inside yoa house.

Jeremiah 22:17

“But you, Jehoiakim, you ony like get Wat you can rip off from da real owna! You like kill da peopo dat neva do notting wrong. You like make sly kine fo make peopo pay you extra fo wat you do fo dem. You bus up peopo an you no give a rip!”

Jeremiah 32:31

From da time da peopo build dis big town till now, da ones dat live inside hea make me come real huhu, cuz dey do stuff dat make me real mad. Az how come I goin throw dem out from in front me.

Sad Song 3:42

“Us guys wen do bad kine stuff, An stan agains you. An you neva let us go fo dat!

Ezekiel 22:3

Tell um dis from Da One In Charge, da Boss: You Jerusalem peopo make peopo bleed an mahke in da middo a yoa big town! An you guys come pilau cuz you make idol kine gods fo you pray to! Time awready fo punish you guys!

Ezekiel 24:6

“Cuz dis wat me, Da One In Charge, da Boss, tell: Jerusalem town goin come all bus up! You Jerusalem peopo betta watch out! You guys, az yoa big town wea dey kill peopo! Yoa town, jalike one pot dat get bad kine stuff stay stick inside um! No mo nobody can scrub um off! Hemo all da stuff from inside da pot, piece by piece. Cuz all da pieces same same, no good!

Ezekiel 24:8

Kay den, I goin splash you Jerusalem guys blood on top one rock dat no mo dirt on top fo show dat I stay huhu wit you Jerusalem peopo. Dass how I goin pay you guys back fo wat you do.

Ezekiel 33:25

Az why you gotta tell um, ‘Dis wat Da One In Charge, da Boss, tell: Eh! You guys eat meat dat still get blood inside! You guys pray to yoa idol kine gods! You kill peopo! An den, you guys tink you suppose to take ova da land fo make um come yoa property, o wat?!

Census 35:33

“No make da land come pilau wea you guys live. Wen somebody kill anodda guy, dat make da land come pilau. You no can make pono da land wea somebody wen kill anodda guy. Ony if you kill da guy dat wen kill da odda guy, den you can make um pono.

Rules Secon Time 19:10

Do dat fo make shua you guys no goin kill somebody dat neva do notting bad inside da land dat yoa God, Da One In Charge, stay give you guys fo come yoa property. Cuz if you guys go kill somebody dat neva do notting bad, den goin be you dat goin get da blame fo kill dem.

Rules Secon Time 29:19

“Wen dat kine guy hear wat dis strong promise tell, he aks fo good kine stuff fo him from Da One In Charge. Cuz a dat, he tink, ‘I goin be okay, no matta I still yet do wat I like.’ Cuz he tink lidat, God goin wipe out da land dat get watta, an da dry land too.