2 Kings 24:13 - Hawaii Pidgin Bible

¹³ Jalike Da One In Charge wen tell befo time, Nebukadnezzar take all da rich kine stuff outa da Temple Fo Da One In Charge, an from da king palace. He tell his guys broke up all da gold tings dat Solomon da Israel king wen make fo da Temple Fo Da One In Charge.

2 Kings 24:13 ပူးပေါင်းရင်းမြစ်များ

2 Kings 20:17

Fo shua, one time goin come wen eryting inside yoa palace, an eryting dat yoa ancesta guys wen keep dea, till today, da Babylon guys goin rip um off an take um Babylon side. No mo notting goin stay ova hea. Az wat Da One In Charge tell.

2 Records 36:7

An Nebukadnezzar take away some a da tings dey use inside da Temple Fo Da One In Charge, an bring um Babylon side. He put um inside his palace ova dea.

Isaiah 39:6

‘Fo shua, da time goin come wen eryting inside yoa palace, an all da stuffs you an yoa ancesta guys wen put away till now, da Babylon guys goin take um all to Babylon. Dey goin take eryting.’ Dass wat Da One In Charge tell.

Jeremiah 17:3

I goin let da army dat goin come take ova da hill dat stay spesho fo me. An all da rich kine stuffs you guys stash, An all yoa sacrifice places on top da hills— I goin let da army guys rip um all off. Dass how you guys goin pay Fo all da real bad kine stuff you guys do All ova yoa country.

Jeremiah 20:5

I goin give all da rich kine stuff from dis town to da guys dat stay agains dem—all da stuff oua peopo wen work fo make, an all da awesome kine stuffs da peopo get, an all da rich kine stuff da Judah kings get. Da Babylon guys goin rip off all dat, an take um Babylon side.

Jeremiah 28:6

“Az right! Good! I like fo Da One In Charge do dat too! I like Da One In Charge make happen all da tings you wen tell cuz you talk fo him! I like fo him carry back to dis place from Babylon, da stuff from da Temple Fo Da One In Charge! I like fo him bring back all da peopo dey wen make prisona an take Babylon side!

Ezekiel 23:26

Dey goin strip off yoa clotheses an take yoa nice kine jewelry.

Ezekiel 7:21

I goin let army guys from odda places rip off dea stuff. Da worses kine peopo in da world goin steal um. Dey no give a rip wat dey do to da stuff dey steal, an dey goin make all dat stuff come pilau.