Abraham wake up early da nex morning fo get food an one goat skin all sew up fo carry watta. He give um to Hagar, an help her put da food an da watta on top her back an da boy back. Den, he make her an da boy go way from dea. Hagar an da boy go to da boonies Beer-Sheba side, an dey go hea an dea but dey neva know wea dey goin go.
2 Kings 23:8 - Hawaii Pidgin Bible8 Den Josiah bring all da pries guys dat work fo Da One In Charge from da Judah towns. Dey make all da sacrifice places on top da hills from Geba to Beer-Sheba so nobody can use um. Dass wea dose odda fake pries guys wen go fo burn incense befo time, but Josiah dem make um fo nobody use um no moa. He broke down da sacrifice places fo da idol kine gods, dat stay by da gate fo go inside da palace wea Joshua live. (He da Jerusalem mayor guy. His palace stay da lef side wen you go inside da town gate.) အခန်းကိုကြည့်ပါ။ |
2 Kings 23:8
13 ပူးပေါင်းရင်းမြစ်များ
No go by da Bethel peopo fo get help, No go Gilgal side. No go da odda side a da country, Beer-Sheba side. You no foget, Gilgal was da firs place Yoa peopo wen come inside dis land, But now, Gilgal garans goin be da place Wea odda peopo goin drag you outa dis land! Da Bethel peopo goin come notting.”
Da whole land from Geba north from Judah to Rimmon dat stay south a Jerusalem, goin come low an flat jalike da Jordan Riva Valley. But Jerusalem goin stay high up wea suppose to stay, from da Benjamin Gate to da place wea da Firs Gate stay, an to da Corna Gate, an from da Hananel Towa to da places wea da guys dat work fo da king step da grapes fo make wine from um.
ကြော်ငြာတွေ