2 Kings 22:2 - Hawaii Pidgin Bible

² Da way Da One In Charge see Josiah, he do wat stay right, an stick wit eryting dat his ancesta David wen do. He no turn to da right side o da lef side, he stay on da main track.

2 Kings 22:2 ပူးပေါင်းရင်းမြစ်များ

1 Kings 11:38

An if you lissen an do eryting I tell you you gotta do, an if you do um my way, an do wat I tell stay right, an if you stay do da tings I tell you fo do, an follow my rules, jalike my worka guy David wen do, den I goin stick tight wit you. I goin make da ohana dat goin come from you stay solid, jalike I build one strong house fo you. Goin be solid jalike da David ohana stay solid. An I goin give you da Israel land.

1 Kings 15:11

Asa wen do all da right kine stuff, da way Da One In Charge see um, jalike his ancesta guy David.

1 Kings 15:5

(David, da way Da One In Charge see um, he wen do da right kine stuff. David do eryting Da One In Charge tell um fo do, till he mahke. He ony jam up da time he wen set up Uriah da Het guy fo mahke.)

1 Kings 3:6

Solomon tell, “You wen do plenny fo my faddah King David, dat wen work fo you. You wen stay real tight wit David, cuz you know da way he live, an you know you can trus um, how he stay do da right ting erytime. David get one clean an good heart, jus how you like. An you wen stay tight wit him, cuz you wen give King David one boy fo sit on top his throne, an dass me.

2 Kings 12:3

But still yet, da altars still stay on da top a da hills fo make sacrifice fo da idol kine gods. Da peopo still stay make sacrifice an burn incense ova dea.

2 Kings 14:3

Amaziah do wat stay right da way Da One In Charge see um, but he no do jalike his ancesta David wen do. He stick wit da way his faddah Joash do bout eryting.

2 Kings 16:2

Ahaz was twenny year ol wen he come king, an he stay king inside Jerusalem town fo sixteen year. But da way his God, Da One In Charge, see um, he no do da right ting erytime. He no do jalike his ancesta guy David, cuz David wen do da right ting.

2 Kings 18:3

Hezekiah, he do wat stay right, da way Da One In Charge see um. Az cuz he do eryting jalike his ancesta guy David wen do.

2 Records 17:3

Da One In Charge stay wit Jehoshafat cuz he make jalike his ancesta David wen make wen David stay young. He no aks da Baal gods fo tell um wat goin happen,

2 Records 29:2

He do wat stay right, da way Da One In Charge see um, jalike eryting his ancesta guy David wen do.

2 Records 31:20

Az how Hezekiah do all ova Judah. Stay good an right, an he do wat God trus him fo do, da way his God, Da One In Charge, see him.

2 Records 34:1

Josiah eight year ol wen he come king, an he stay king inside Jerusalem thirty-one year.

Smart Guys 20:11

Same ting, even young kids Do bad kine tings an hide um An make jalike dey stay do wass right an good.

Smart Guys 4:27

No go way from dat good road, No go right side o lef side. If get any place wea you can do bad kine stuff, You betta go da odda way!

Zefaniah 1:1

Da One In Charge give dis message to me, Zefaniah, Cushi boy, Gedaliah grankid, Amariah great-grankid, King Hezekiah great great-grankid. I pass on da message da time Josiah, Amon boy, stay king fo da Judah peopo.

Rules Secon Time 5:32

Az why Moses tell da peopo: “So now, you guys make shua you do eryting oua God, Da One In Charge, tell you fo do. No go turn away from um to da right side o da lef side.

Joshua 1:7

But you betta stay real strong an no lose fight fo shua! Make shua you do eryting my helpa Moses wen tell you fo do. No do um diffren, not even litto bit. Den eryting goin go good fo you guys, wea eva you go.