2 Kings 22:13 - Hawaii Pidgin Bible

¹³ He tell um: “Go find out from Da One In Charge wat stay inside dis book dat dey wen find. Find out fo me, an fo da peopo hea, an fo all da Judah peopo. Fo shua, Da One In Charge stay real huhu wit us guys! Cuz oua ancesta guys neva lissen wat dis book tell. Dey neva do wat dis book tell bout us guys!”

2 Kings 22:13 ပူးပေါင်းရင်းမြစ်များ

2 Kings 23:26

Still yet, Da One In Charge stay huhu wit da Judah peopo cuz a all dat King Manasseh wen do fo make Da One In Charge come huhu.

2 Kings 3:11

But Jehoshafat tell, “No mo nobody dat talk fo Da One In Charge ova hea, o wat? Fo us guys aks Da One In Charge wat fo do!” One officer fo da Israel king tell, “Elisha, Shafat boy, stay hea. Befo time, he hang out wit Elijah fo help him.”

2 Records 29:6

Da way oua ancesta guys wen ack, Da One In Charge no can trus dem. Dey wen do bad kine stuff da way oua God, Da One In Charge, see um, an dey bag from him. Dey tell ‘Laytas’ to da place wea Da One In Charge stay, an turn dea back to him.

2 Records 34:21

“Go find out from Da One In Charge wassup, fo me an fo all da peopo dat still stay inside Israel an Judah! Aks um bout wat da book tell, da one dey wen find. Cuz fo shua, Da One In Charge awready come real huhu wit us guys! Oua ancesta guys neva do wat Da One In Charge tell um fo do. Dey neva make how Da One In Charge tell inside dis book!”

Nehemiah 9:3

Dey stan up right wea dey stay fo three hour, an read da book dat get da rules from Da One In Charge, dass dea God. An den, anodda three hour, dey stay tell erybody da bad kine tings dey do. An same time dey go down on top da groun fo show dea God, Da One In Charge, plenny love an respeck.

Songs 106:6

Us guys, we do bad kine stuff, Jalike oua ancesta guys wen do. Us make crooked kine, An do wass wrong.

Songs 25:14

Da peopo dat feel jalike dey sked an shaking Wen dey stay in front Da One In Charge, Dey stay real close to him, Cuz he like make shua dey undastan Wat da deal mean dat he wen make wit dem.

Songs 76:7

But you, God, Dey betta come sked a you! No mo nobody can go agains you Wen you had it wit wat dey stay do!

Songs 76:8

From da sky, you wen tell, Gotta punish dem. All ova da world, Peopo no say notting, Cuz dey sked az why.

Outa Egypt 20:5

No go down in front da odda gods fo show um love an respeck, an no work fo dem. Cuz I yoa God, az me, Da One In Charge! An if you go down in front da odda gods, I one jealous God! Az why I goin punish da peopo dat do bad kine tings an da ones dat hate me. An if dea kids do da same ting, I punish dem too, an same ting wit dea grankids, an even dea great-grankids.

Smart Guys 3:6

Wateva you do, tink bout God an wat he like you fo do, Den he goin make shua notting goin jam you up.

Isaiah 5:25

Dass why Da One In Charge stay come huhu Agains his peopo. He put up his hand An stay ready fo wack dem down. Dass why da mountains stay shake, An da peopo body dat mahke Lay all ova outside jalike opala. “But no matta God wack his peopo lidat, He still yet stay huhu An he stay ready fo wack um one mo time.

Jeremiah 16:12

But you guys, you do even mo worse kine stuff den yoa ancesta guys. Look how all you guys stay hard head an do da bad kine tings you make one plan fo do, an you guys no lissen me.’

Jeremiah 36:7

Da One In Charge tell awready, he stay real huhu wit dis peopo an tell ‘Laytas’ to wat dey do. But dey get chance. Dey go in front Da One In Charge, an beg him fo make good to dem. An get chance too, dat all dem no goin do bad kine stuff no moa!”

Jeremiah 37:17

Den King Zedekiah tell his guys fo bring Jeremiah by da palace, but bring um secret kine so nobody know he dea. Zedekiah aks Jeremiah, “You get one message from Da One In Charge, o wat?” Jeremiah tell, “Shua, get! Da One In Charge goin make da Babylon king catch you.”

Jeremiah 44:17

Fo shua we goin do eryting we tell we goin do. We goin burn incense fo oua wahine god da Queen Inside Da Sky. We goin pour out drink sacrifices fo her, jalike us guys, oua ancesta guys, da king guys, an oua leada guys wen do inside da Judah towns an on top da Jerusalem streets. Befo time, wen we make lidat, we get plenny food, an we stay rich, an we no suffa notting bad.

Sad Song 5:7

Oua ancesta guys wen do bad kine stuff, an dey no moa. An you punish us guys cuz a dat.

Daniel 9:10

Us neva lissen you, oua God, dass Da One In Charge a us, fo live da way you wen teach us, da way yoa worka guys dat talk fo you wen tell us.

Prieses 26:14

“But maybe you guys no lissen me, an no do all da tings I tell you guys fo do.

Amos 3:7

“Cuz you know, Da One In Charge a me, he erytime tell his worka guys dat talk fo him da secret plan bout wat he goin do. Laytas, he goin do um.”

Nahum 1:6

Wen Da One In Charge stay real huhu, No mo nobody can stan in front him. Wen he mad, jalike he throw fire on top you. Jalike da cliffs come broke up cuz a him.

Rome 3:20

Dass why no mo nobody dat can tell dat dey get um right wit God, jus cuz dey wen do eryting da Rules From God tell um fo do. Da Rules From God ony show dat us guys wen do bad kine stuff.

Rome 4:15

Wen get da Rules From God, goin get peopo dat broke um, an God goin had it wit dem. Wen no mo da Rules From God, no mo nobody goin broke um.

Rome 7:9

Da way I live befo time, I neva know da Rules. Den bumbye, I find out dat God tell dat get tings I not suppose to do—an right den an dea, jalike all da bad kine stuff inside me wen wake up an make me like do dose tings real bad!

Rules Secon Time 27:26

“Da Levi guys goin tell: ‘God goin punish da guy dat no show respeck fo all dese rules cuz he no do eryting wat dese rules tell!’ “All da peopo goin tell: ‘Az right!’ ”

Jesus Show 6:17

Cuz da time stay come awready wen dey goin punish us. Horraz! Fo shua, no mo nobody goin come out alive!”