2 Kings 22:11 - Hawaii Pidgin Bible

¹¹ Wen da king hear wat da Book Wit Da Rules tell, he rip his clotheses fo show he stay sad inside.

2 Kings 22:11 ပူးပေါင်းရင်းမြစ်များ

Start 37:34

Den Jacob rip his clotheses fo show he hurt plenny inside. From den, aroun da middo he wear ony itchy kine clothes da kine dey make from goat hair, an fo long time he stay cry fo his boy.

2 Kings 22:10

Den Shafan tell da king, “An one mo ting. I get one book, dat Hilkiah da pries guy wen give me.” An Shafan read um in front da king.

2 Kings 22:19

Me, Da One In Charge! Josiah, I know you stay sorry, an you no ack big in front me. An you hear wat I wen tell bout dis place an bout da peopo dat live hea—dat I goin wipe um out, so odda peopo goin talk bout dis place wen dey like put kahuna on top somebody. An I know you wen rip yoa clotheses, an cry in front me. Az why I wen lissen an hear you. Dis wat me, Da One In Charge, tell.

2 Records 34:19

Wen da king hear wat da Rules tell, he rip his clotheses fo show he stay bum out!

Songs 119:120

I come all sked an shaking All ova my body wen I tink bout you, Cuz you da Judge. An I sked you goin punish me Fo no do wat you tell was right.

Isaiah 66:2

You guys know dat I wen make Eryting dat get, da sky an da earth, aah? Az how come dey stay hea.” Da One In Charge, he da One tell dat. An he tell: “I tell you, wat kine peopo I like lissen to! Da kine peopo dat no mo big head, An dat stay all bus up inside, An stay sked an shaking Wen dey hear wat I tell.

Jeremiah 36:16

Wen dey hear all dat stay write dea, dey look at each odda, an dey come sked an shaking. Dey tell Baruk, “Us guys gotta tell da king all dis stuff!”

Jeremiah 36:24

Wen da king an all his helpa guys hear wat da book tell, dey no come sked. Dey no even rip dea clotheses fo show dey stay bum out.

Joel 2:13

Change how you feel inside, An no jus rip yoa clotheses Fo show you stay sad inside! Go come back to yoa God, Da One In Charge, Cuz he like do good kine tings fo you guys. He get love an pity fo you guys. He no come huhu real quick. He like stay tight wit you guys. He stay sad inside wen he gotta punish somebody.

Amos 2:4

You Judah peopo betta lissen too! Dis wat Da One In Charge tell: “Ova an ova, da Judah peopo wen go agains me. Az why no way I goin let um go an no punish dem! Cuz me, Da One In Charge, I wen give um da Rules, But dem, dey ack jalike da Rules no matta! Dey no like do wat I wen tell dem fo do. Jalike dea ancesta guys, Dey let da fake gods make um go da wrong way.

Joshua 7:6

Joshua rip his clotheses, an go down an put his face on top da groun in front da Box Fo No Foget Da One In Charge. He stay dea till litto mo dark. Da older leadas fo da Israel peopo do da same ting, an throw dirt on top dea head fo show dey stay sad inside.