2 Kings 22:10 - Hawaii Pidgin Bible

¹⁰ Den Shafan tell da king, “An one mo ting. I get one book, dat Hilkiah da pries guy wen give me.” An Shafan read um in front da king.

2 Kings 22:10 ပူးပေါင်းရင်းမြစ်များ

2 Kings 22:11

Wen da king hear wat da Book Wit Da Rules tell, he rip his clotheses fo show he stay sad inside.

2 Kings 22:9

Den Shafan go by da king, an tell him bout da work. He tell um: “Yoa leada guys wen turn ova all da silva dat get inside da Temple Fo Da One In Charge, fo da luna guys dat work inside da Temple use um.”

2 Records 34:18

Den Shafan da secretary tell da king, “Get one book ova dea, dat Hilkiah da pries guy wen give me.” An Shafan read um in front King Josiah.

Nehemiah 13:1

Dat same day, da leada guys read from da book Moses wen write cuz dey like da peopo lissen. Dey find out inside da book dat nobody from da Ammon peopo o da Moab peopo get da right fo come one Israel guy, fo come togedda wit da Israel peopo an show God love an respeck.

Nehemiah 8:18

Ery day, from Day Numba One to Day Numba Seven, Ezra read to dem someting from da book dat get da Rules from God. Den, Octoba 15, dey all come togedda an make one mo spesho religious kine ceremony jalike God wen tell um fo do.

Isaiah 66:2

You guys know dat I wen make Eryting dat get, da sky an da earth, aah? Az how come dey stay hea.” Da One In Charge, he da One tell dat. An he tell: “I tell you, wat kine peopo I like lissen to! Da kine peopo dat no mo big head, An dat stay all bus up inside, An stay sked an shaking Wen dey hear wat I tell.

Isaiah 66:5

You guys dat stay sked an shaking wen Da One In Charge talk, Lissen wat he tell: “Da odda Israel guys dat hate you guys, Dey no let you guys stay wit dem Cuz you know wat kine god me. Dey make fun a you guys, an tell, ‘Good, you show respeck fo Da One In Charge! We like see you guys stay good inside!’ But dey da ones goin come shame!

Jeremiah 13:18

Go tell da king an da queen muddah dis: “Go come down from yoa thrones. Sit in da dirt an come notting. Cuz yoa beautiful crowns Goin come down from yoa head.”

Jeremiah 36:13

Mikaiah tell dem eryting he wen hear Baruk read to da peopo from da roll up papyrus kine paypa.

Jeremiah 36:15

Dey tell him, “Sit down, read um to us.” So Baruk read um to dem.

Jeremiah 36:21

Den da king sen Jehudi fo get da roll up kine book. Jehudi bring um from da room wea Elishama da secretary work. Den he read um to da king an all da leada guys dat stay stan by him.

Jeremiah 36:6

So da nex time da peopo come togedda inside da Temple Fo Da One In Charge, fo skip food wen dey pray, you go dea. You go read from da book to da peopo da tings Da One In Charge wen tell me, dat I wen tell you fo write. Make shua you read um fo all da Judah peopo, even da ones dat come hea from dea small towns.