2 Kings 20:5 - Hawaii Pidgin Bible

⁵ “Go back an tell Hezekiah, da leada guy fo my peopo, ‘Dis anodda message from me, Da One In Charge, da God fo yoa ancesta guy David. Tell um, I wen hear you pray awready, an see how you stay cry. Now, I da One goin make you come good. Da day afta tomorra, you goin go up by da Temple Fo Da One In Charge.

2 Kings 20:5 ပူးပေါင်းရင်းမြစ်များ

2 Samuel 5:2

Befo time, wen Saul stay da king ova us guys, was you dat wen lead da Israel army fo go fight da odda peopos. Da One In Charge wen tell you, aah? ‘You goin take kea my peopo, da peopo dat come from Israel, jalike one sheep guy take kea da sheeps. You goin come da one dat lead all dem.’ ”

1 Kings 9:3

Da One In Charge tell Solomon, “I wen hear wat you pray. I wen lissen wen you come in front me an beg me fo help you. Da Temple you wen build, I make um spesho fo me awready. I give da place my name foeva, cuz az da place wea can find out wat kine god me. An I goin watch dat place real good, an tink plenny bout um all da time.

2 Kings 19:20

Den Isaiah, Amoz boy, sen one message fo Hezekiah. He tell: “Dis wat Da One In Charge, da God fo da Israel peopo, tell: I hear wat you tell me wen you pray, bout Sennakerib da Assyria king.

2 Kings 20:4

Befo Isaiah go outside da open lanai fo da palace, Da One In Charge tell him:

2 Kings 22:19

Me, Da One In Charge! Josiah, I know you stay sorry, an you no ack big in front me. An you hear wat I wen tell bout dis place an bout da peopo dat live hea—dat I goin wipe um out, so odda peopo goin talk bout dis place wen dey like put kahuna on top somebody. An I know you wen rip yoa clotheses, an cry in front me. Az why I wen lissen an hear you. Dis wat me, Da One In Charge, tell.

2 Records 13:12

So den, God stay wit us guys. He oua leada. His pries guys wit dea metal trumpets goin make da signal fo start fo fight you guys. Eh, you Israel guys, no go fight Da One In Charge, da God fo yoa ancesta guys, cuz no way you guys goin win!”

2 Records 34:3

Wen he stay king eight year, an he still young, he start fo try stay tight wit da God dat his ancesta David wen pray to. Wen he stay king twelve year, he start fo throw out from Judah an Jerusalem da sacrifice places on top da hills, da tiki poses fo da wahine god Asherah, an da idol kine gods dey carve an da gods dey make wit da metal dey melt.

Songs 107:20

An wat Da One In Charge tell um, Make um come good Fo dem no mahke An go down inside da grave.

Songs 119:26

I wen tell you my life story, An you wen tell me Wass good fo me do. So teach me how fo do Wat you tell I gotta do.

Songs 126:5

Da ones dat plant food, dey stay crying. But bumbye, wen dey harves da food, Dey goin yell plenny Cuz dey feel good inside.

Songs 147:3

Wen dey stay real sore inside, He make um come good one mo time. Jalike he put one bandage On top da place dat stay hurt.

Songs 34:18

If you stay sad inside, Da One In Charge Goin stay real nea you. Da peopo dat feel all bus up inside, Da One In Charge get um outa all dat.

Songs 39:12

Eh! You Da One In Charge! Try lissen wen I pray! Lissen wen I yell to you fo help me! Wen you hear me stay cry, No hold back! Cuz I ony one guy Dat stay hea wit you short time, Jalike all my ancesta guys.

Songs 56:8

Awready you wen count all da times I gotta run away. Put my tears inside yoa watta bag Fo you no foget how plenny I wen cry. Fo shua all dis stay Inside yoa book.

Songs 56:9

Den bumbye, wen I yell fo help, Da guys dat stay agains me Goin turn aroun an run away. I know dis: God stay on my side.

Songs 6:10

All da peopo dat stay agains me, Dey goin come shame an sked outa dea mind! Cuz dey real shame, Dey goin run away quick.

Songs 65:2

You, da one dat lissen wen us guys pray. Az why all da peopo Goin come by you.

Songs 65:3

Wen peopo do bad kine tings Dat make me come bum out, Still yet, you hemo da shame Us get from go agains you.

Outa Egypt 15:26

God tell dem, “You guys gotta lissen good to me, yoa God, Da One In Charge fo real kine. You guys gotta stay do da right ting in front me, an lissen wat I tell you guys fo do, an keep all da Rules. If you guys do all dat, den I no goin wack you guys wit all da kine sick dat I wen bring fo da Egypt peopo. Cuz me Da One In Charge, an I da one dat make you guys come good.”

Outa Egypt 3:7

Da One In Charge tell Moses dis too: “I see eryting, all da hard time dat da Egypt peopo give my peopo! I hea how dey stay yell fo me fo help um from da luna guys. Yeah, I know how plenny dey suffa.

Outa Egypt 3:9

“Now, cuz da Israel peopo stay yell to me fo help um, I stay lissen. An I see da way da Egypt peopo stay make dem bus ass an make any kine to dem.

Isaiah 19:22

He goin punish da Egypt peopo wit one bad kine sick, but den he goin make um come good. Cuz dey goin change dea mind an come tight wit Da One In Charge, an he goin lissen wen dey pray to him, an make um come good.

Isaiah 38:22

an Hezekiah aks wat kine sign Da One In Charge goin give him dat he goin come good.

Isaiah 38:5

“Go tell Hezekiah, ‘Dis one spesho message from Da One In Charge, da God fo yoa ancesta David: I wen hear wat you wen pray an I see you cry. Cuz a dat, I goin give you fifteen mo year fo live.

Isaiah 55:3

Go come by me, an lissen real good! Lissen, fo you guys come alive inside. I goin make one deal wit you guys Dat goin stay foeva: Da tings I wen promise King David dat I goin do Wen I tell I goin stay tight wit him foeva, I goin do all dat fo shua, Cuz I do wat I promise fo do!

Matthew 22:32

God tell, ‘I da God fo Abraham, an fo Isaac, an fo Jacob.’ So I tell you guys, he not da God fo da mahke guys dat no mo spirit inside dem. He da God fo Abraham an Isaac an Jacob, dat get one spirit inside dem dat stay alive, no matta dea body mahke.”

Luke 1:13

But da angel guy tell, “No sked, Zekariah! God wen hear wat you tell, an yoa wife Elizabet goin born one boy. You goin name um John.

Luke 18:10

He tell, “Two guys wen go da Temple Fo God fo pray, one Pharisee guy, an one guy dat colleck tax money fo da govmen.

John 5:14

Bumbye Jesus find da guy inside da open lanai fo da Temple. He tell, “Eh, you stay good now. No go do da bad kine stuff no moa, o mo worse ting goin happen to you.”

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

Hebrews 2:10

Eryting dat get in dis world stay fo God, an come from God. Az why was good dat God wen make Jesus come da bestes kine leada cuz he wen suffa plenny. An dat make plenny peopo no gotta get punish fo da bad kine stuff dey wen do. God do all dis fo make dose peopo come awesome cuz dey God kids now.

Jesus Show 7:17

Cuz da Bebe Sheep Guy Dat sit in da middo a da throne, He goin take kea dem Jalike one sheep farma dat take kea his sheeps. He goin bring dem by da puka Fo da watta dat make peopo get life fo real kine. An God goin wipe away all dea tears from dea eyes.”

1 Samuel 10:1

Den Samuel take some olive oil dat he get inside one small clay kine pitcha, an pour um on top Saul head, an he kiss Saul on his face. Samuel tell, “Da One In Charge wen pick you fo come da leada ova his peopo, you know.

1 Samuel 9:16

“Bout dis time tomorra, I goin sen one guy from da Benjamin ohana land. Pour olive oil on top his head fo show he goin be da leada guy fo my Israel peopo. He da one dat goin get dem outa da Filisha guys powa. Cuz I wen see how my peopo suffa an cry an hear dem yell fo me fo help dem.”