2 Kings 20:3 - Hawaii Pidgin Bible

³ “Da One In Charge! Try no foget, dat all da stuff I do, I no hide um from you. I try erytime fo be da kine guy you can trus, an do eryting I promise fo do. I wen try fo make shua I do ony da kine stuff dat you tell az good.” Den Hezekiah cry real hard.

2 Kings 20:3 ပူးပေါင်းရင်းမြစ်များ

Start 17:1

Laytas, wen Abram 99 year ol awready, Da One In Charge let Abram see him. He tell um, “Me, I Da God Dat Get All Da Powa. So, live da way I tell you fo live, an no do notting dat goin make shame.

Start 5:22

An afta Metuselah born, Enok stay tight wit God wateva he do fo 300 year, an he get odda kids too, boys an girls.

Start 5:24

He stay tight wit God wateva he do, an den, Enok disappea, cuz God take um away.

Start 8:1

All dat time, God no foget Noah an all da wild animals an da farm animals dat was inside da big boat wit him. Dass how come God make da wind blow ova da world, an da flood watta start fo go down.

1 Kings 11:4

Den wen Solomon come ol, Solomon heart follow his wifes odda kine gods. Inside, he no stay okay cuz he no stay tight no mo wit his God, Da One In Charge. He no stay jalike his faddah guy David.

1 Kings 15:14

But da places on top da mos high part a da hills wea da peopo make sacrifice fo da odda gods, dey still stay. But inside, Asa stay tight wit Da One In Charge all da time he stay alive.

1 Kings 2:4

Wen you do all dat, den Da One In Charge goin make happen wat he tell bout me befo time, ‘Da king guys dat come born from yoa blood bumbye, dey gotta watch out how dey ack cuz I goin see how dey ack. If dey go all out fo do eryting wit one good heart, an wit eryting dey get inside, I know I can trus dem. Den me, Da One In Charge, I no goin wipe out yoa blood line eva. Erytime goin get one guy dat come from yoa blood line, dat goin be da King fo sit on top da throne fo da Israel peopo.’ Dass wat Da One In Charge wen tell bout me.

1 Kings 3:6

Solomon tell, “You wen do plenny fo my faddah King David, dat wen work fo you. You wen stay real tight wit David, cuz you know da way he live, an you know you can trus um, how he stay do da right ting erytime. David get one clean an good heart, jus how you like. An you wen stay tight wit him, cuz you wen give King David one boy fo sit on top his throne, an dass me.

1 Kings 8:23

He tell God dis: “Eh! You Da One In Charge! You da God fo us Israel peopo! No mo anodda god dat stay like you. Not inside da sky up dea, Not on top da earth down hea. You do jalike you wen make one deal wit oua peopo fo do. You stay tight wit us guys dat stay work fo you, An dat stay live in front you wit one good heart.

1 Kings 8:61

An you guys, I like you go all out Fo do eryting fo oua God, Da One In Charge. Live da way he tell you fo live, Do eryting he tell you gotta do, Jalike you stay do today.”

1 Kings 9:4

“Now, you gotta live in front me jalike yoa faddah David wen do, cuz he wen go all out fo me, an he do eryting da right way. Same ting fo you, you gotta do eryting I tell you fo do, an run yoa govmen da way I like.

2 Kings 20:2

Den Hezekiah turn his whole body fo face da wall. He pray to Da One In Charge lidis:

2 Kings 20:4

Befo Isaiah go outside da open lanai fo da palace, Da One In Charge tell him:

2 Records 16:9

Cuz Da One In Charge look all aroun all ova da world, fo find da peopo dat make up dea mind fo go all out fo him, fo him make dem come strong fo him. But you, you wen do one stupid ting! So den, from now you goin get war all da time!”

Nehemiah 13:14

Eh my God! No foget dis ting I wen do cuz I stay tight wit you! No wipe out da good tings I wen do fo da Temple Fo My God an fo take kea da place!

Nehemiah 13:22

I tell da Levi ohana guys fo make da sacrifices fo dem work fo God, den come an be security guards by da gates fo make shua da Res Day stay spesho fo God. Eh my God, try no foget dis ting I wen do, an tink good bout me! Let me go, an no hurt me, Cuz you stay tight wit yoa peopo foeva!

Nehemiah 13:31

I make shua dat da peopo bring da pries guys wood fo burn da sacrifices, wen dey suppose to make one sacrifice. I make shua dey get da bestes stuff dat da peopo harves from wat dey wen plant. Eh my God! No foget me! Do good tings fo me.

Nehemiah 5:19

Dis how I stay pray: “My God, no foget do good tings fo me Cuz a all da good tings I stay do fo dis peopo!”

Job 1:1

Had one guy Job. He live da Uz land. Dat guy, no mo nobody poin finga him. He erytime do da right ting. He get awesome respeck fo God, an stay away from da bad kine stuff.

Job 1:8

Den Da One In Charge tell Da One Dat Stay Agains God, “Wat you tink bout my worka guy Job? No mo nobody on top da earth stay jalike him. He one guy no mo nobody poin finga him. He erytime do da right ting. He get awesome respeck fo me, God, an he stay away from da bad kine stuff.”

Job 16:20

My frenz, dey da ones talk bad bout me! But I stay cry in front God.

Job 4:6

Fo shua, you get awesome respeck fo God, An dat goin make you stay shua. If you know you no mo blame fo notting, Az goin help you wait fo God do someting.

Songs 102:9

Cuz you stay huhu wit me, You pick me up an throw me out Jalike I opala. Da food I eat, ony ashes. I cry an my tears Go inside wat I drink.

Songs 119:26

I wen tell you my life story, An you wen tell me Wass good fo me do. So teach me how fo do Wat you tell I gotta do.

Songs 119:49

I yoa worka guy! So, no foget Da ting you wen tell me, Cuz I stay shua az wat goin happen.

Songs 145:18

Da One In Charge, he stay ready fo help All da peopo dat yell fo him help um. He stay nea erybody Dat tell him fo help um An him no bulai dem.

Songs 25:7

Eh! You Da One In Charge! Wen I was young, I wen do bad tings an go agains you. No tink bout me lidat no moa. Mo betta, tink lidis bout me. Tink bout how you stay tight wit me, Cuz you good, az why.

Songs 26:1

Eh! You Da One In Charge! You da judge, So tell erybody I neva do notting bad! Cuz da way I live, I do eryting how I suppose to do. I stay trus you, Da One In Charge, An I no change my mind.

Songs 26:3

Cuz all da time, I know fo shua you stay tight wit yoa peopo. Da way I live, I know I can trus you.

Songs 32:2

Eryting goin go good fo you If Da One In Charge no tell He gotta punish you, An if you da kine guy Dat no bulai notting inside.

Songs 39:13

No get mad face at me no moa! Let me smile one mo time Befo I go way an mahke.

Songs 6:6

I stay tired cuz I stay moan all da time. Ery nite, I cry till da bed all wet. My pillow wet cuz I stay crying.

Songs 6:7

Cuz I get plenny trouble, My eyes look tired an come weak. Cuz a all da peopo dat stay agains me, My eyes no stay strong no moa.

Songs 89:47

Try tink bout me. Real short, da time I get fo live! You tink ony wase time You wen make peopo, o wat?!

Songs 89:50

Eh Boss! No foget how I work fo you! I da one dat gotta handle Wat all da diffren peopos tell! I gotta handle, Even wen dey make Stink kine jokes bout me.

Isaiah 38:14

I make noise jalike da swallow bird o da heron bird. An make sad kine noise jalike one dove. I try fo look up to you in da sky, But my eyes too tired, I can ony look down. I get plenny presha! Help fo take kea me, my Boss!

Isaiah 63:11

“Den his peopo tink how was Long time befo time, wit Moses an his peopo. Dey tink, ‘Wea da One Wen take da Israel peopo thru da Red Sea, Da time Moses an his ohana Stay jalike sheep guys Dat take kea da peopo ova dea?! Wea da One dat wen put his Good An Spesho Spirit Right dea wit all da peopo?!

Jeremiah 4:2

Wen you guys make one strong promise, You gotta tell, ‘I shua Da One In Charge stay alive, Same ting I stay shua I goin do dis.’ You gotta tell da trut fo real kine, An judge da right way, Keep all da rules, An do wass right. If you guys do all dat, Den, wen diffren peopos tink bout me, Da One In Charge, Dey goin tell, ‘Da One In Charge do good kine stuff fo us guys!’ An dey goin talk big bout me cuz dey know me, Da One In Charge.”

Amos 5:4

Dis wat Da One In Charge tell da Israel ohana: “Eh! Go come back by me an be my guys, Fo me help you, aah? Den you guys goin stay alive an no mahke.

Luke 1:6

Zekariah an his wife do da right tings da way God see um. Eryting Da One In Charge tell um fo do, an all da Rules From God, dey do um. An no mo nobody poin finga dem.

John 1:47

Jesus spock Natanael stay come by him, an he tell, “Dis guy one fo real kine Israel guy. No mo notting fake inside him! He erytime tell da trut.”

2 Corint 1:12

Dis how come we talk big. Fo shua us guys know we do wat God like us fo do. Us do um jus cuz we like do um, fo erybody see dat God make us guys do wass fo real. Us no do um wit da kine smarts da peopo get, but wit da kine smarts dat God give us cuz he get one good heart. Az how us wen live in dis world, an even mo plenny how us guys wen make fo help you guys.

Hebrews 5:7

Wen Jesus stay hea inside da world, he pray real hard, an he cry real loud, cuz he know dat God can take him outa dea fo him no gotta mahke. An God lissen him, cuz Christ all da time show him respeck, an ony do wat God tell um fo do.