2 Kings 20:14 - Hawaii Pidgin Bible

¹⁴ Den Isaiah, da guy dat talk fo God, go by King Hezekiah an aks him, “Wat dose guys wen tell, an wea dey come from?” Hezekiah tell, “Dey come from far away, from Babylon.”

2 Kings 20:14 ပူးပေါင်းရင်းမြစ်များ

2 Kings 20:13

An wen Hezekiah hear bout da Babylon messenja guys, he go show dem eryting inside da palace. He show um da expensive kine oil, da silva, da gold, da balsamic oil, da good kine olive oil, da place wea dey keep da tings dey use fo fight—eryting Hezekiah get inside his storage places. No mo notting inside da palace o inside da whole land dat Hezekiah neva show dem.

2 Kings 20:15

Den da guy dat talk guy fo God aks, “Wat dey wen see inside yoa palace?” Hezekiah tell, “Dey see eryting inside my palace. No mo notting from all my rich kine stuff dat I neva show dem.”

Songs 141:5

If da peopo dat stay do wass right Slap my head, Dat show dey my frenz Dat stay tight wit me! If dey tell wat I do stay wrong, Dass good, jalike dey put Da bestes kine haku lei On top my head! All da time I stay pray Dat da bad guys no can do notting.

Smart Guys 25:12

Wen one guy dat know wat fo do erytime Tell you dat someting you wen do, no good, An you ready fo lissen, Az real good, Jalike one gold earring O one necklace wit da bestes kine gold.

Isaiah 13:5

His army guys all stay come from one far place, From unda da mos far part a da sky. Az Da One In Charge stay coming wit dem, An he goin use dat army Fo punish da peopo he stay huhu wit. Da One In Charge goin wipe out da whole land!

Ezekiel 23:23

Az da Babylon guys, an all da guys from da res a da Kaldea land, da guys from Pekod, an Shoa, an Koa, an all da Assyria guys wit dem too. All dem, good looking young guys, govna guys, guys from da govmen, officers fo da war wagons, an leada guys, all a dem ride horse.

Census 22:9

God come by Balaam an aks him, “Who dese guys wit you?”

Rules Secon Time 28:49

“Da One In Charge goin bring one peopo agains you guys from one far place, from da mos far part a da earth. Dey goin come real quick, jalike one eagle dat dive down real fas fo grab one small animal. You no goin undastan dea language.

Joshua 9:6

Dey go by Joshua inside da camp Gilgal side. Dey tell him an da Israel guys, “Us guys come from one far place. Make one deal wit us.”

Joshua 9:9

Dey tell, “Us yoa worka guys, an us come from one real far place, cuz we wen hear bout you guys dat God Da One In Charge. We hear bout all he wen do inside Egypt,