2 Kings 2:8 - Hawaii Pidgin Bible

⁸ Elijah take off his robe, roll um up, an wack da watta wit um. Da watta open up to da right side an da lef side, an da two guys go da odda side on top da dry groun.

2 Kings 2:8 ပူးပေါင်းရင်းမြစ်များ

1 Kings 19:13

Wen Elijah hear dat, he pull his blanket ova his face. He go litto bit outside da cave. Den one small voice tell him, “Elijah! How come you stay ova hea?!”

1 Kings 19:19

Den Elijah leave Mount Sinai. Firs, he go find Elisha, Shafat boy. Elisha stay inside one big field wit eleven odda guys. Dey all stay plowing, all dem wit two cow fo pull da plow. Elisha too stay plow, he da las guy. Elijah go inside da field by Elisha an put his blanket aroun Elisha.

2 Kings 2:14

Den he take da robe dat wen fall down from Elijah, an wack da watta wit um. He tell, “Da One In Charge, you stay by me, o wat? You da God Elijah wen pray to!” Wen Elisha wack da watta, da riva open up to da right side an da lef side, an he walk ova da odda side.

Outa Egypt 14:29

But da Israel peopo, dey walk thru da Red Sea from one side to da odda side, an da groun stay dry, an da watta stay jalike two wall fo dem, right side an lef side.

Isaiah 11:15

Da One In Charge goin wipe out Da skinny part a da Red Sea, Egypt side. He goin put out his hand ova da Eufrates Riva An bring one real hot strong wind, Fo make um come seven small stream, Fo peopo go walk on top da dry part wit slippas.

Hebrews 11:29

Da Israel peopo, dey wen trus God. Dass why dey wen walk thru da middo a da Red Sea, cuz was jalike dry land dat time. But wen da Egypt guys try fo do da same ting, da watta wipe um out.

Hebrews 11:37

Dey throw rocks fo kill um. Dey kill um wit da saw an half half dea bodies. Dey kill oddas wit swords too. Dem guys gotta go live any kine place an dey ony get sheep skin o goat skin fo wear. Dey no mo notting. Peopo make any kine to dem an give um plenny presha.

Jesus Show 16:12

Da numba six angel guy pour out da stuff from his bowl on top da big Eufrates Riva, an all da watta come dry up, fo make ready da way fo da kings from da east side fo come.

1 Samuel 28:14

Saul tell, “An Samuel, wat he look jalike?” She tell, “He one ol guy, wearing one robe, dat stay come up too.” Saul now know fo shua az Samuel. So he go down an put his face on top da groun fo show Samuel respeck.