2 Kings 2:24 - Hawaii Pidgin Bible

²⁴ He turn aroun, an look at dem, an he tell Da One In Charge put kahuna on top dem, cuz he Da One In Charge guy. Den two bears come out from da fores, an attack da young guys an hurt forty-two a dem.

2 Kings 2:24 ပူးပေါင်းရင်းမြစ်များ

Start 9:25

Noah tell, “I like God make bad tings happen to da Canaan ohana! I like fo dem come jalike slave guys Fo do da kine work dat nobody like do Fo dea ohana guys!”

2 Samuel 17:8

You know yoa faddah an his guys, dey all know how fo fight real good, an dey plenny huhu awready! Dey goin ack jalike one wild bear wen somebody steal her bebes. An yoa faddah win plenny war awready, you know. He no goin go sleep by da odda army guys, nite time.

1 Kings 13:24

Den da guy dat know God stay go. One lion see um on top da road an kill um. Da lion throw down da mahke guy body on top da road. Da donkey an da lion stan dea nea da body.

1 Kings 19:17

Hazael goin kill plenny peopo wit his sword, an da ones he no kill, Jehu goin kill um. An da ones Jehu no kill wit his sword, Elisha goin kill dem.

1 Kings 20:36

Da guy dat talk fo God tell, “Cuz you no wack me like how Da One In Charge tell, wen you go way from hea, one lion goin kill you.” An afta da guy go way litto bit, one lion find da guy an kill um.

2 Kings 2:25

Den Elisha go on from dea Mount Carmel side, an from ova dea he go back Samaria town.

Outa Egypt 20:5

No go down in front da odda gods fo show um love an respeck, an no work fo dem. Cuz I yoa God, az me, Da One In Charge! An if you go down in front da odda gods, I one jealous God! Az why I goin punish da peopo dat do bad kine tings an da ones dat hate me. An if dea kids do da same ting, I punish dem too, an same ting wit dea grankids, an even dea great-grankids.

Smart Guys 17:12

Mo betta if you meet one muddah bear Right afta somebody steal her bebes, Den if you meet one dumb buggah Dat tink he no need learn notting, Right afta he do someting stupid.

Smart Guys 19:29

God stay ready fo punish Da kine buggahs dat no mo respeck fo nobody Cuz dey tink dey mo smart! He get one whip fo wack Da kine dumb buggahs dat no like learn notting.

Smart Guys 28:15

Wen one leada guy stay bad, An da peopo dat no mo notting No can do notting bout da guy, Dey feel jalike get one lion Dat make big noise fo bite um, O jalike get one bear dat stay chase um.

Jeremiah 28:16

Az why Da One In Charge tell me fo tell you: ‘Litto bit mo time an den I goin wipe you out from on top da earth. Dis year you goin mahke, cuz you wen tell da peopo fo go agains me, Da One In Charge!’ ”

Sad Song 3:65

Make dem come real sore inside, So dey no can undastan wat you stay do. An put kahuna on top dem!

Hosea 13:8

I goin attack dem jalike one bear Wen somebody steal her bebes. I goin rip dea heart open. I goin eat um up right den an dea, jalike one lion, Jalike da wild animals bus up da body a da animals dey catch. I goin bus up dea body!

Prieses 26:22

I goin sen wild kine animals agains you guys. Dey goin kill yoa kids, an wipe out yoa cows. Dey goin make you guys come ony litto bit peopo, den no mo nobody goin walk on top da roads inside yoa land.

Amos 7:17

But cuz you stay talk lidat, dis wat Da One In Charge tell: “Yoa wife, she goin come one hoa Right hea inside yoa home town. Da ones dat stay agains you Goin kill yoa boys an yoa girls wit swords. Yoa land, odda peopo goin measure um fo broke um up an sell um. An you, you goin mahke inside anodda land dat stay pilau, Cuz you Israel peopo goin come prisonas Far away from yoa land.”

Mark 11:14

So he tell da fig tree, “Nobody goin eat fruit from you no moa!” His guys hear wat he wen tell.

Mark 11:21

Peter rememba, an tell Jesus, “Eh, Teacha! Look da kine! You wen put kahuna on da fig tree, an now, all dry up!”

Jesus Guys 5:5

Wen Ananias hear dat, he fall down mahke. An erybody dat hear bout um come real sked.

Jesus Guys 5:9

Peter tell her, “How come you an yoa husban make one sly kine plan fo find out if da Spirit a Da One In Charge goin let you guys bulai? Look! Da guys dat wen bury yoa husban, dey right dea outside da door, an dey goin carry you ova dea too.”

Jesus Guys 8:20

Peter tell him, “You an yoa money goin mahke togedda! Cuz you tink dat you can buy wass one gif from God wit yoa money!

2 Corint 10:6

Afta you guys start fo do eryting Christ tell you fo do, us goin stay ready fo punish wateva still yet go agains wat Christ tell us fo do.

Local Leadas 9:20

But if az not how, den I like da fire come out from Abimelek an burn you leada guys up, an fire come out from you leada guys from Shekem an Bet-Millo an burn up Abimelek!”

Local Leadas 9:57

An God make da Shekem guys pay fo all da bad kine stuff dey wen do. Da kahuna Jerub-Baal boy Jotam wen put on top dem, happen.