2 Kings 2:15 - Hawaii Pidgin Bible

¹⁵ All da guys from Jericho dat stay learn how fo talk fo God see dis. Dey tell, “Da same kine spirit dat wen stay in charge a Elijah, stay take ova Elisha awready!” An dey go meet him, an go down on top da groun in front him fo show respeck.

2 Kings 2:15 ပူးပေါင်းရင်းမြစ်များ

1 Kings 19:16

An put olive oil on top Jehu, Nimshi boy, fo show I wen pick him fo come king fo da Israel peopo. An same ting fo Elisha, Shafat boy from Abel-Meholah town. Put olive oil on top his head fo show I wen pick him fo come one guy dat talk fo me, fo take ova yoa work.

1 Kings 20:35

One a da guys dat hang out wit da guys dat talk fo God tell anodda talka, “God wen give me one spesho message fo you. You gotta wack me.” Da odda guy tell um, “No way! I no goin wack you!”

2 Kings 2:19

One time, da Jericho guys tell Elisha, “Eh boss, oua town stay one good place, jalike you can see. But da watta stay bad, an all ova da land no can grow food notting.”

2 Kings 2:7

Get fifty guys Jericho side dat stay learn how fo talk fo God, an dey go too. But dey stop, an no go nea da place wea Elijah an Elisha stay stan by da Jordan Riva, cuz dey like see wat goin happen.

2 Kings 4:37

So she come inside da room an go down on top da floor by Elisha feet fo show him respeck. Den she take her boy, an go out.

2 Kings 5:22

Gehazi tell, “Eryting stay okay. My boss wen sen me fo tell, ‘You know, jus now two young guys come by me from up country Efraim side. Dey da kine guys dat stay learn fo talk fo Da One In Charge too. So try give dem two guys 75 poun silva an two set clotheses.’ ”

2 Kings 9:1

Elisha, da guy dat talk fo God, call one a da odda guys dat talk fo God. He tell um, “Get ready fo run. Take dis small bottle olive oil wit you, an go Ramot-Gilead town.

Isaiah 11:2

Da Spirit from Da One In Charge goin stay in charge a dat guy. Dat Spirit from Da One In Charge Goin make him know wat fo do erytime, An make him undastan plenny stuff. Dat Spirit goin make him know Wass good fo him do ery time, An give him plenny powa. Dat Spirit goin help him know plenny stuff, An get choke respeck fo Da One In Charge.

Isaiah 59:21

Da One In Charge tell: “Dis, da deal I make Fo da peopo dat stay my side. My Spirit stay in charge a you guys, An da tings I give you guys fo tell— All dat no goin go way from you guys. You goin tell um erytime. An yoa kids goin tell um erytime. An dea kids goin tell um erytime From now an foeva.” Dass wat Da One In Charge tell.

Amos 7:14

Amos, he tell Amaziah: “You know, I not one regula kine guy dat talk fo God. My fadda neva talk fo God too. I not one a da guys talk fo God fo get money. I jus one guy dat take kea da sheeps, an take kea da sycamore kine fig trees too.

Census 27:20

Give him some a yoa powa fo all da Israel peopo lissen him.

Jesus Guys 1:8

But you guys goin get spesho kine powa wen da Good An Spesho Spirit take charge a you. An den you guys goin tell da peopo in Jerusalem wat you know bout me, an same ting fo da peopo all ova Judea, Samaria, an all ova da world.”

2 Corint 12:9

But he tell me, “I do plenny good tings fo you, an dass all you need. My powa mo strong inside you wen you no can handle trouble wit da powa you get.” Az why I goin talk big even moa, cuz get plenny stuff I no can handle. Dass how Christ powa goin stay wit me.

Joshua 3:7

Da One In Charge tell Joshua, “Today I goin start fo make you come mo importan, da way all da Israel peopo goin see you. Dass how dey goin know dat I stay wit you jalike I wen stay wit Moses.

Joshua 4:14

Az was da time Da One In Charge make Joshua importan da way all da Israel peopo see um. Dey get plenny respeck fo him all da time he stay alive, jalike dey wen get fo Moses.

1 Peter 4:14

Wen somebody talk any kine to you cuz you Christ guys, you can stay good inside, cuz God awesome Spesho Spirit stay inside you.

1 Samuel 10:5

“Afta dat you goin go by Gibeah, God place. Get some Filisha army guys camp dea too. Wen you go nea da town, you goin meet some guys dat talk fo God dat stay come down from da sacrifice place on top da hill. Dey stay wit some odda guys dat stay play small harps, tammorines, flutes, an bass harps in front dem. An da talka guys goin stay talk fo God.