2 Kings 2:1 - Hawaii Pidgin Bible

¹ Da time come fo Da One In Charge carry Elijah up inside da sky inside one whirlwind. Az wen Elijah an Elisha stay leave Gilgal.

2 Kings 2:1 ပူးပေါင်းရင်းမြစ်များ

Start 5:24

He stay tight wit God wateva he do, an den, Enok disappea, cuz God take um away.

1 Kings 18:12

But afta I leave you, I donno wea God Spirit goin pick you up an bring you. If I go tell Ahab dat you stay hea, an he no can find you hea, he goin kill me! No matta I yoa slave guy, an I get awesome respeck fo Da One In Charge from small kid time.

1 Kings 19:11

Da One In Charge tell, “Go outside da cave. Stan on top dis mountain, in front me, Da One In Charge.” Befo Da One In Charge pass by dea, get one strong wind dat make da stone come down from da mountain an broke da cliffs. But Da One In Charge, he no come wit da wind. Afta da wind, get earthquake, but Da One In Charge, he no come wit da earthquake.

1 Kings 19:4

But Elijah take one mo day fo go mo inside da boonies. He come by one broom tree an sit down undaneat, an he tell God fo let um mahke. He tell Da One In Charge, “I no can handle no moa! Let me mahke awready! No way I one betta man den my ancesta guys!”

2 Kings 1:18

Had odda stuff wen happen wen Ahaziah stay king. All dat stay inside da Record Book Fo Da Israel Kings.

2 Kings 2:11

Wen dey stay walk an talk togedda, right den an dea one war wagon on fire an horses on fire show up, an make da two guys go apart. Den Elijah go up inside da sky inside one whirlwind.

2 Kings 4:38

Elisha go back Gilgal town. Dat time, no mo food ova dea. Had one time, da guys dat stay learn how fo talk fo God come togedda an sit in front him. Elisha tell his helpa guy, “Put da big pot on top da fire an cook some stew fo dese guys.”

Job 38:1

Den Da One In Charge ansa back Job from inside one real strong wind storm. He tell:

Luke 9:51

Da time stay nea wen Jesus goin go up to da sky, an he make up his mind fo go Jerusalem.

Jesus Guys 1:9

Afta he tell dat, God take him up in front dem, an den one cloud move unda him, fo dem no see him no moa.

Hebrews 11:5

Anodda guy Enok, he wen trus God. Az why God take him anodda place, an he no mahke. Cuz God take him away, no mo nobody can find him dat time. But befo God take him, God tell, “Enok, he one good guy. He do eryting I like him fo do.”

Joshua 4:19

Day numba ten, da firs month, da peopo come up outa da Jordan Riva an make camp by Gilgal on da east side a Jericho.

Joshua 5:9

Den Da One In Charge tell Joshua, “Today, I take away da shame you guys wen get cuz you was slaves Egypt side.” Az why erybody still yet call dat place Gilgal.

Jesus Show 11:12

Den da two guys dat wen talk fo God hear one loud voice from da sky dat tell um, “Go come up hea!” An wen da guys dat stay agains dem look, dey see um go up to da sky inside one cloud.