2 Kings 19:4 - Hawaii Pidgin Bible

⁴ Maybe yoa God, Da One In Charge, hear eryting da territorial govna guy from Assyria wen tell. His boss, da Assyria king, wen sen him ova hea fo make fun a Da God Dat Stay Alive, an he stay talk bad bout him. Maybe Da One In Charge goin punish him cuz a wat he wen tell. Az why I aks you, Isaiah, fo pray fo all us guys dat still stay alive.”

2 Kings 19:4 ပူးပေါင်းရင်းမြစ်များ

Start 22:14

Abraham give dat place da name Da One In Charge See Um. Dass mean, “Da One In Charge See Wat I Need An Give Me Dat.” Nowdays peopo still yet tell: “On top da mountain wea Da One In Charge stay, God see wat we need an give us dat.”

2 Samuel 16:12

Maybe Da One In Charge goin see dat I stay suffa plenny awready, an dat goin do good fo me, fo pay me back wit someting good afta dis guy put kahuna on top me today.”

2 Kings 18:13

Wen Hezekiah stay king fo fourteen year, da Assyria king Sennakerib attack all da big towns wea da Judah peopo make strong wall, an take ova dem.

2 Kings 19:16

You Da One In Charge! Lissen real good! Open yoa eyes, an look! Lissen wat Sennakerib wen tell me. He stay talk bad bout you, da God Dat Stay Alive!

2 Kings 19:22

“ ‘You stay talk bad bout me, aah, Sennakerib?! You stay talk big, aah?! You tink you get mo powa den me, aah?! Me, da God dat stay good an spesho fo da Israel peopo!

2 Kings 19:23

You wen sen yoa messenja guys hea Fo talk bad bout me, da Boss. An you, Sennakerib, you wen tink lidis: “Me, Sennakerib, I ride inside my war wagon An bring all my war wagons wit me On top da mountains, All da high mountains inside Lebanon! An I wen cut down da tall cedar trees, An da bestes pine trees! An I go make camp In da far place wea get da bestes kine trees.

2 Kings 19:3

Dey tell Isaiah, “Dis wat Hezekiah tell: Us stay supa presha out today an hard time us get! Da One In Charge stay punish us guys. Us come shame in front da odda peopos! Az jalike one bebe goin born, but da muddah not strong enuff fo born um.

2 Kings 19:30

Jalike befo time, da peopo dat still stay alive from da Judah ohana, Dey goin get one strong root fo go down unda dem, An make fruits dat grow up ova dem.

2 Kings 19:31

Cuz from Jerusalem, da peopo dat still stay alive goin come out one mo time, Da ones from Mount Zion dat goin get outa trouble. “Cuz me, Da One In Charge, Da God Ova All Da Armies, I goin go all out fo make shua az wat goin happen.

2 Kings 19:5

Afta King Hezekiah guys come tell Isaiah dat,

2 Records 32:20

King Hezekiah an Isaiah, Amoz boy, da guy dat talk fo God, dey pray to Da One In Charge bout dis an call out to him inside da sky fo help dem.

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Songs 50:21

Wen you do all dat kine stuff, You tink I no goin say notting?! No way! You tink I stay jalike you?! Not even! I stay tell you right now, Dat you stay do wass bad, An I goin be in yoa face Bout all da bad tings you wen do.

Songs 74:18

Eh! You Da One In Charge! Try no foget dis— Da peopo dat stay agains you, Dey like make you come shame. Da stupid peopo dat tink You not importan, Dey talk bad bout who you.

Isaiah 1:9

Da One In Charge, Da God Ova All Da Armies, If he neva leave us guys some peopo ova dea still yet, Us guys goin come jalike da Sodom peopo, An da Gomorrah peopo—no mo nobody dea.

Isaiah 10:6

I goin sen da Assyria army guys agains my peopo Dat ack jalike I no matta. I no can take awready Da bad kine stuff da Israel peopo stay do. Dass why I tell da Assyria peopo Fo come take da Israel peopo rich stuff An take um all away. Jalike dey goin walk on top da Israel peopo An push um down jalike dey mud on top da streets.

Jeremiah 23:36

But you guys betta not talk bout ‘spesho messages from Da One In Charge,’ cuz all dem tink watevas dey tell, az one spesho message from Da One In Charge. Dass how you guys stay make kapakahi wat da God dat stay alive fo real kine tell. An dass me, Da One In Charge, da God Ova All Da Armies!

Jeremiah 33:3

He tell: ‘Call out to me fo help you. I goin ansa an tell you importan tings you gotta know— Secret kine tings Dat you neva know befo time An you no can figga um out.’ ”

Jeremiah 42:9

He tell um, “Dis da message from Da One In Charge, da God fo da Israel peopo: You guys wen sen me by Da One In Charge fo let him know wat you guys like him fo do fo you. Dis wat he tell:

Ezekiel 36:37

“Dis wat me, Da One In Charge, da Boss, tell: One mo time I goin lissen da Israel ohana peopo wen dey beg me fo help um. Dis wat I goin do fo dem: I goin make dea peopo come choke plenny jalike da sheeps come choke plenny.

Rome 11:5

Nowdays, same ting—get some peopo dat God pick jus cuz he like do someting good fo um an give um chance.

Rome 9:27

Befo time, Isaiah talk fo God inside da Bible. He tell, “Get choke plenny peopo dat get Israel fo dea ancesta guy. Da ohana big, jalike da sand on top da beach, No matta God goin take ony litto bit peopo Outa da bad kine stuff dey do.

Rules Secon Time 32:36

Da One In Charge goin be da judge Dat goin tell his peopo dey no mo da blame. He goin show love an pity fo his worka guys Wen he see dat dey no mo powa An no mo da Israel guys dea, No matta dey slave guys o not slave guys.

Joshua 14:12

So now, give me dis hill country dat Da One In Charge wen make one promise fo give me dat time. You wen hear dat time dat da Anak peopo stay ova dea, an dey get big towns dat get strong wall. But maybe Da One In Charge goin help me, an I goin push out da peopo, jalike Da One In Charge wen tell.”

Joshua 3:10

Dis how you guys goin know dat da God dat stay alive, he stay wit you guys. An he goin take away da land from all da peopo dat stay inside da land, wen dey face you guys! He goin make da land come yoa property! Az da Canaan peopo, da Het peopo, da Hiv peopo, da Periz peopo, da Girgash peopo, da Amor peopo, an da Jebus peopo.

1 Samuel 14:6

Jonathan tell da young guy dat carry his stuff fo fight, “Go come, we go ova da pass by wea dose guys stay dat neva cut skin jalike God peopo. Maybe Da One In Charge go do someting fo help me an you. Da One In Charge goin win, no matta he get plenny guys o litto bit guys.”

1 Samuel 17:10

Den he tell, “Today, I goin make you Israel guys come shame! Give me one a da guys dat stay all line up ova dea yoa side fo me an him fight awready!”

1 Samuel 17:26

David aks some odda guys dat stan nea him da same ting, “Eh! Wat dey goin do fo da guy dat kill dis Filisha guy an hemo da shame fo da Israel peopo? Us guys, da army fo da God dat stay alive fo real kine! Who dis Filisha guy tink him?! He no mo God cut skin mark! He ony ack big fo try make us Israel guys come shame, aah?!”

1 Samuel 17:45

David tell Goliat, da Filisha guy, “You! You stay come agains me wit one sword an wit one big spear fo poke an one small spear fo throw. But me, I come agains you cuz I know wat kine god Da One In Charge stay! He Da God Ova All Da Armies, da God dat da Israel army guys pray to. Him, da one you wen talk bad bout!