2 Kings 19:30 - Hawaii Pidgin Bible

³⁰ Jalike befo time, da peopo dat still stay alive from da Judah ohana, Dey goin get one strong root fo go down unda dem, An make fruits dat grow up ova dem.

2 Kings 19:30 ပူးပေါင်းရင်းမြစ်များ

2 Kings 19:4

Maybe yoa God, Da One In Charge, hear eryting da territorial govna guy from Assyria wen tell. His boss, da Assyria king, wen sen him ova hea fo make fun a Da God Dat Stay Alive, an he stay talk bad bout him. Maybe Da One In Charge goin punish him cuz a wat he wen tell. Az why I aks you, Isaiah, fo pray fo all us guys dat still stay alive.”

Songs 80:9

Da way you wen clean out Da land fo us guys, Dass da same way peopo clean out Dea land fo put grape plant. Den az jalike us guys Get real strong root An fill up da whole land.

Isaiah 1:9

Da One In Charge, Da God Ova All Da Armies, If he neva leave us guys some peopo ova dea still yet, Us guys goin come jalike da Sodom peopo, An da Gomorrah peopo—no mo nobody dea.

Isaiah 27:6

Bumbye, da Jacob ohana (Dass da Israel peopo), Dey goin come importan. Dey goin come plenny peopo, Jalike one plant dat get one root fo grow, Den get bud an flowa, An fill up da whole world Wit plenny fruit.