2 Kings 19:2 - Hawaii Pidgin Bible

² He sen Eliakim, da guy dat stay in charge a da palace kine biznis, Shebna da secretary, an da Main Pries guys, an dey all stay wear burmbag kine clotheses too, fo go by Isaiah, Amoz boy, da guy dat talk fo God.

2 Kings 19:2 ပူးပေါင်းရင်းမြစ်များ

2 Samuel 3:31

Den David tell Joab an all da army guys wit him, “Rip yoa regula clotheses an wear burmbag kine clotheses, fo show erybody you guys stay sad inside too. Walk in front Abner mahke body.” An King David walk in back a da stretcha dey use fo carry da wrap up body to da cemetery.

2 Kings 12:10

Den, weneva da pries guys see dat get plenny silva inside da box, da king secretary an da Main Pries Guy come, count da money dat get inside da Temple Fo Da One In Charge, an put um inside bags.

2 Kings 18:18

Da Assyria guys call fo King Hezekiah come by dem. Eliakim, Hilkiah boy, da guy in charge a da palace kine biznis, go out fo meet dem. Shebna da secretary, an Joah, Asaf boy, da guy dat write da records, go wit him too.

2 Kings 19:3

Dey tell Isaiah, “Dis wat Hezekiah tell: Us stay supa presha out today an hard time us get! Da One In Charge stay punish us guys. Us come shame in front da odda peopos! Az jalike one bebe goin born, but da muddah not strong enuff fo born um.

2 Records 26:22

Da odda stuff dat Uzziah wen do from da start to da end, Amoz boy Isaiah, da guy dat talk fo God, write um inside his record.

Isaiah 1:1

Isaiah, Amoz boy, he wen talk fo God bout Judah an Jerusalem. Dat time, da king fo da Judah peopo was Uzziah, den Jotham, den Ahaz, an den Hezekiah. Dis book tell wat God wen show Isaiah.

Isaiah 2:1

Dis wat Da One In Charge, Da Boss, wen show Isaiah, Amoz boy, bout da peopo inside Judah an Jerusalem:

Jeremiah 19:1

Dis anodda message from Da One In Charge: “Go buy one clay watta bottle wit skinny neck an handles from da guy dat make clay pots. Take some a da older leada guys fo da peopo an da pries guys wit you.

Jeremiah 36:24

Wen da king an all his helpa guys hear wat da book tell, dey no come sked. Dey no even rip dea clotheses fo show dey stay bum out.

Matthew 4:14

Dis happen jalike da guy Isaiah wen tell, da one dat talk fo God long time befo time:

Luke 3:4

Dass jalike Isaiah wen tell. He one guy dat talk fo God befo time. He write down dis inside da Bible: “One guy goin talk real loud inside da boonies, “ ‘Eh! Make da road ready fo Da One In Charge! Make um strait fo him!’