2 Kings 18:5 - Hawaii Pidgin Bible

⁵ Da One In Charge, da God fo da Israel peopo, he da One Hezekiah wen trus. From all da odda Judah kings befo him o afta him, no mo nobody jalike him.

2 Kings 18:5 ပူးပေါင်းရင်းမြစ်များ

2 Kings 18:19

Da territorial govna guy tell Hezekiah guys, “Go tell Hezekiah dis: “ ‘Da Big King, da King fo Assyria, tell dis: You get big kine trus in someting you tink goin get you outa trouble. You tink dat goin help you, o wat?! No way!

2 Kings 19:10

“Go tell Hezekiah, da Judah king, dis: ‘No let da god dat you trus bulai you. Cuz he goin tell you, “No way I goin let da Assyria king take ova Jerusalem!”

2 Kings 23:25

From all da kings dat come befo Josiah, an all da kings dat come afta him, neva get even anodda king jalike Josiah. Az cuz he tell “Laytas” to wat da king guys befo him stay do, he go all out fo come tight wit Da One In Charge wit all his powa an eryting inside him. He do eryting jalike all da Rules from Moses tell.

2 Records 14:11

Den Asa call out to his God, Da One In Charge, fo help. He tell, “Da One In Charge, you help peopo, no matta dey get plenny guys o dey not strong! Da One In Charge, you oua God. So help us guys, cuz we need you fo make us strong. We da peopo dat get yoa name, an dass why we goin go agains dis big army. Da One In Charge, you oua God. No let peopo win ova you!”

2 Records 20:20

Early morning time dey go from Jerusalem to da Tekoa Boonies. Wen dey all ready fo go, Jehoshafat stan up an tell, “You Judah an Jerusalem guys, lissen me! Trus yoa God, Da One In Charge, an he goin make you stay solid! Trus da guys dat talk fo him, an you guys goin come out okay!”

2 Records 20:35

Laytas, Jehoshafat, da Judah king, make one deal wit Ahaziah, da Israel king. Wen Jehoshafat do dat, wat he do was wrong.

Job 13:15

Maybe God goin kill me! Maybe I no mo notting fo wait fo! Still yet, I goin show proof in front him, how come I live da way I live.

Songs 13:5

But me, I stay trus you, you know. You goin stay tight wit me cuz I yoa guy. Bumbye you goin get me outa trouble, An I goin dance an sing.

Songs 84:12

Eh! You Da One In Charge! You da Boss Ova All Da Armies! Erybody dat stay trus you, Dey stay good inside!

Isaiah 36:7

An if you guys tell me, ‘Us guys trus oua God, dass Da One In Charge a us,’ tink bout dis: Hezekiah, he da one wen take down da sacrifice places an da altars wea you guys pray to Da One In Charge! Hezekiah wen tell da peopo inside Judah an Jerusalem, ‘You guys gotta go down in front Da One In Charge, ony in front dis Jerusalem altar,’ aah?

Isaiah 38:3

“Bummahs! You Da One In Charge! Try no foget all da stuff I wen do! I no hide um from you. I da kine guy you can trus, an do eryting I promise fo do. I try fo make shua I do ony good kine stuff dat you tell az good.” Den Hezekiah cry plenny.

Matthew 27:43

He stay trus God. Az why, us like see God get him outa dis stuff now, if God like him! Cuz he wen tell, ‘I God Boy.’ ”

Efesus 1:12

God do all dat, cuz he like fo us guys dat trus Christ firs, show da oddas how awesome God stay. Den da odda peopo goin tell how awesome he stay too.