2 Kings 18:11 - Hawaii Pidgin Bible

¹¹ Da Assyria king wen take out da Israel peopo an move um Assyria side, an make dem live inside Halah, inside Gozan on da Habor Riva, an inside da towns wea da Mede peopo live.

2 Kings 18:11 ပူးပေါင်းရင်းမြစ်များ

2 Kings 15:29

Wen Pekah stay king Israel side, da Assyria king Tiglat-Pileser come back attack one mo time. He take ova five town: Ijon, Abel Bet-Maakah, Janoah, Kedesh, an Hazor. He take da Gilead an Galilee lands too, an all da Naftali land, an make da peopo dea give up dea land an go Assyria side.

2 Kings 17:6

Wen Hoshea stay king fo nine year, da Assyria king take ova Samaria town, an make da Israel peopo go Assyria side fo live. He make some a dem live Halah side, some a dem by da Habor Riva dat go by Gozan, an da res inside da towns wea da Mede peopo live.

2 Kings 19:11

Fo shua you wen hear wat us Assyria king guys wen do to all da odda countries awready! Us guys wen wipe um out! An you tink yoa god goin get you outa trouble?! No way!

2 Kings 21:8

Ony if da Israel peopo make shua dey do eryting dat I tell um fo do. If dey stick wit all da rules dat my worka guy Moses wen give dem, den I no goin make dem go all ova da place one mo time, jalike befo time I wen do. If dey stick wit da rules, I no kick um outa da land I wen give to dea ancesta guys.”

2 Kings 23:27

Az why Da One In Charge tell, “I goin take away da Judah peopo from in front me, jalike I take away da Israel peopo awready. I goin throw out dis Jerusalem peopo. No matta I wen pick dis town an dis Temple. No matta I wen tell, ‘Dis Temple goin be da place wea peopo can find out who me!’ ”

1 Records 5:26

So da God fo Israel make Pul, da king fo Assyria (az Tiglat-Pileser) catch da Reuben peopo, da Gad peopo, an half da Manasseh peopo, an make dem prisonas. He bring dem Halah, Habor, Hara, an da Gozan Riva side, an dey stay ova dea till today.

Nehemiah 9:30

Fo plenny year you hang in dea wit yoa peopo. You wen sen yoa Spirit fo tell da guys dat talk fo God Fo tell da peopo, ‘Wise up!’ but dey still yet no lissen. So den, you let da peopo from odda lands Take ova yoa peopo.

Isaiah 10:11

Us guys wen win ova Samaria town an dea idol gods. Now we goin do da same ting to Jerusalem town An da idol kine gods dea.”

Isaiah 10:5

God tell: “Bummahs fo you guys! I goin use da Assyria peopo jalike one club fo punish you, Cuz I stay huhu wit you Israel peopo, An I goin make da Assyria guys wack you!

Isaiah 36:2

Den da Assyria king Sennakerib sen da territorial govna guy fo dat side, an plenny army guys from Lakish fo go by King Hezekiah inside Jerusalem. Da territorial govna guy stop by da ditch wea da watta from da Mauka Watta Place go, on top da main road dat go da field wea da peopo put da cloth inside da watta an step um fo make um come clean.

Isaiah 37:12

Da gods fo da peopos from Gozan, Haran, Rezef, an da Eden peopo inside Tel Assar—you tink dea gods wen get da peopos outa trouble, da time my ancesta guys wipe dem out? Not even!

Isaiah 7:8

Da main town inside Aram, dass Damascus. Da main guy inside Damascus, dass King Rezin. Befo 65 year pau, Da Israel peopo goin come real bus up, Dey no even goin be one peopo no moa.

Isaiah 8:4

Az cuz befo dis small boy learn how fo tell ‘Daddy’ o ‘Mama,’ da Assyria army guys goin steal all da rich kine stuffs inside Damascus town an Samaria town. Dey goin bring um to da king fo Assyria.”

Hosea 9:3

Da peopo no goin stay inside da land Da One In Charge own. Da Efraim peopo, some goin go back Egypt side, An some goin go Assyria side. Dey goin eat da kine food ova dea Dat make um so dey no can go in front Da One In Charge.

Amos 2:6

You betta lissen! Dis wat Da One In Charge tell: “Ova an ova, you Israel peopo wen go agains me. Az why no way I goin let you guys go an no punish you guys! You Israel peopo tell, ‘Dis guy owe me money.’ Da judge tell, ‘Nah, he no owe notting.’ But no matta wat da judge tell, Still yet, you Israel peopo go sell da guy Fo silva money fo make um one slave. Da guy dat no mo notting, You Israel peopo sell um Jus cuz da guy owe you fo one pair new slippas.

Amos 5:6

Amos tell: “Eh you guys! Go by Da One In Charge fo get help Fo you guys stay alive an no mahke. But if you no like, God goin wipe out da Joseph ohana real fas, jalike wit fire, An burn up Bethel town real fas, An nobody goin pio da fire.”

Jesus Guys 7:43

You guys wen carry one tent fo da idol kine god Molek, An fo da idol kine star god Refan. Dey da gods you guys wen make Fo you go down an pray to dem. Cuz a dat, I goin sen you guys away Fo stay long time one far place Da odda side Babylon.’ ”