2 Kings 17:9 - Hawaii Pidgin Bible

⁹ Da Israel peopo wen do shame kine stuff an try fo hide um, cuz az not okay wit dea God, Da One In Charge. From da small towns dat ony get one watch towa, to da big towns dat get strong wall aroun dem, da peopo build places on top da hills fo make sacrifice fo da odda gods, nea all dea towns.

2 Kings 17:9 ပူးပေါင်းရင်းမြစ်များ

2 Kings 18:8

He bus up da Filisha guys too, all da way to Gaza an da land aroun dea, dea towns dat get strong wall an small towns wit ony watch towa too.

Job 31:27

I no go down in front dem jus cuz dey awesome, Fo show dem love an respeck, But I no tell nobody I do dat.

Songs 78:58

Wen dey make place fo pray On top da hills, Dey make God feel bad. Dey go down an pray To dea idol kine gods, An dat make God come jealous.

Isaiah 29:15

Bummahs! fo da guys dat tink dey can hide dea plans Inside one deep hole, so Da One In Charge donno bout um. Bummahs! fo da guys dat do dea work in da dark an tink, “Nobody goin see us! Nobody goin know!”

Ezekiel 20:28

I wen bring dem inside da land dat I wen make one strong promise fo give dem. But den, erytime dey see one high hill o one tree wit plenny leafs, dass wea dey make dea sacrifices dat make me come huhu. Dass wea dey put out dea stuffs dat smell nice an make you feel good. Dey pour out dea drink sacrifice dea too.’

Ezekiel 8:12

God tell, “Eh, Fo Real Kine Guy! You see wat da older leada guys fo da Israel peopo stay do inside dis dark place? All a dem stay by da rooms dat get dea idol kine gods inside. Cuz dey tink, ‘Da One In Charge, he no stay! He no see us! He wen bag from da land!’ ”

Hosea 12:11

You guys tink da Gilead peopo do real bad kine stuff? Eh, da peopo ova dea, dey no worth notting! Da Gilgal peopo wase time wen dey kill bulls fo make sacrifice. Dea altars look jalike stones dey pile up All aroun one field dey wen plow.

Rules Secon Time 13:6

If yoa braddah, yoa muddah o faddah boy, o yoa boy o girl, o yoa wife dat you love, o yoa bestes fren talk to you wea nobody can hear an like try make you like do wass kapu fo you do, an tell, “Eh! Us go down in front odda gods,” no lissen dem. You guys an yoa ancestas neva know dose gods befo time.

Rules Secon Time 27:15

‘God goin punish anybody dat make one idol kine god, no matta he make um wit wood an cut um wit one knife o melt metal fo make um, an den he put up da idol secret kine. Az pilau, da way Da One In Charge see um, cuz az ony someting one guy wen make!’ “Den all da peopo goin tell, ‘Az right!’

Rules Secon Time 29:25

“An some odda peopo goin tell, ‘Az cuz da peopo dea no like take da Deal dat Da One In Charge, da God fo dea ancesta guys, wen make wit dem wen he bring dem outa Egypt.