2 Kings 17:7 - Hawaii Pidgin Bible

⁷ All dat wen happen cuz da Israel peopo show mo respeck fo da odda gods, but not fo Da One In Charge. Dey wen do bad kine stuff agains dea God, Da One In Charge, no matta he da One wen bring dem outa Egypt befo time, fo da Egypt king, da Pharaoh guy, no mo powa ova dem no moa.

2 Kings 17:7 ပူးပေါင်းရင်းမြစ်များ

1 Kings 11:4

Den wen Solomon come ol, Solomon heart follow his wifes odda kine gods. Inside, he no stay okay cuz he no stay tight no mo wit his God, Da One In Charge. He no stay jalike his faddah guy David.

1 Kings 15:3

King Abijam wen do any kine bad kine stuff, jalike his faddah Rehoboam wen do befo time. Az cuz inside, Abijam neva get um right wit his God, Da One In Charge. He no ack jalike his ancesta guy David, dat wen stay tight wit God.

2 Kings 16:2

Ahaz was twenny year ol wen he come king, an he stay king inside Jerusalem town fo sixteen year. But da way his God, Da One In Charge, see um, he no do da right ting erytime. He no do jalike his ancesta guy David, cuz David wen do da right ting.

2 Kings 17:35

Wen Da One In Charge make da deal wit da Israel peopo long time befo time, he tell dem dis: “No go show respeck fo odda kine gods! No go down in front dem! No let dem be yoa boss! No make sacrifice fo dem!

1 Records 5:25

But dey neva stay tight wit da God dea ancesta guys wen pray to. Dey fool aroun wit da gods fo da odda peopos inside da land, da peopo dat God wen wipe out in front dem.

2 Records 36:5

Jehoiakim twenny-five year ol wen he come king, an he stay da king inside Jerusalem eleven year. He do bad kine stuff, da way his God, Da One In Charge, see him.

Nehemiah 9:26

“But still yet, da peopo no like lissen. Dey make war agains you. Dey tell laytas to da Rules you wen teach An make jalike dey no mean notting. Dey kill da guys dat stay talk fo you, Yoa talka guys dat wen talk to dem serious kine Fo help um turn aroun Fo come tight wit you one mo time. Dey talk real bad bout you.

Songs 78:12

God wen do plenny tings In front dea ancesta guys, Tings dat wen make dea jaw drop, Ova dea Egypt side, aroun Zoan town.

Outa Egypt 20:2

“Dis me, Da One In Charge, yoa God, dat stay talk. Was me wen get you guys outa da Egypt land, wea you guys was slaves.

Isaiah 57:5

You guys like fool aroun Unda da kine kapu trees fo da idol kine gods. You guys kill yoa kids fo da god Molek Down by da streams dat no mo watta, Fo make sacrifice unda da cracks in da cliffs.

Jeremiah 10:5

Dey jalike one skecrow inside one cucumba garden, Dea idol kine gods no can talk. Fo shua, somebody gotta carry dem Cuz dey no can walk. No sked a dem! Dey no can hurt nobody An dey no can help nobody.”

Ezekiel 39:24

I wen make lidat to dem cuz a wat dey wen do. Az cuz dey stay pilau an do bad kine stuff. Az why I stay hide from dem.

Hosea 12:14

But da Efraim peopo, dey make Da One In Charge come real piss off wit dem. Da One In Charge put da blame on all dem Cuz dey make peopo bleed an mahke. He goin pay dem back Cuz dey talk bad to him.

Hosea 4:13

Dey make sacrifice on top da mountains. Dey burn incense on top da hills, Unda da oak tree, da poplar tree, an da terebint tree, Dey do um wea get good shade. “Az how come yoa girls come hoaz, An az why yoa daughtah-in-laws go fool aroun Behind dea husban back.

Rules Secon Time 31:29

Cuz fo shua afta I mahke, you guys goin jam up eryting real bad, an make eryting come pilau. You guys goin tell ‘Laytas’ to me an no do wat I tell you guys fo do. An layta, plenny bad kine stuff goin come on top you guys, cuz you guys goin do da kine stuff dass bad, da way Da One In Charge see you guys stay do. You guys goin make him come huhu cuz a da tings you guys make wit yoa hands.”

Joshua 23:16

If you guys go agains da deal yoa God, Da One In Charge, wen make wit you guys fo tell you wat you gotta do, an if you guys go way from him an work fo odda gods, an go down in front odda gods, an work fo dem, den he goin come real huhu wit you guys. Real fas you guys goin come wipe out inside da good land he wen give you guys!”

Local Leadas 6:10

I tell you guys, ‘I yoa God, Da One In Charge. No go down in front da gods fo da Amor peopo, no matta you guys live inside dea land.’ But you guys neva lissen me.”