2 Kings 17:34 - Hawaii Pidgin Bible

³⁴ Till today, dose odda peopos still do da same ting dey wen do befo time. Dey no show respeck fo Da One In Charge fo real kine. Dey no stay do wat God tell dey gotta do. Dey no do wat God Da Judge tell az right. Dey no stay stick wit da rules dat Da One In Charge wen give da Jacob ohana, an give um da name Israel.

2 Kings 17:34 ပူးပေါင်းရင်းမြစ်များ

Start 32:28

Da odda guy tell, “From now, yoa name no goin be Jacob. Yoa name Israel now, cuz you make fight wit God an wit peopo, an you win.” (“Israel,” dat mean “make fight wit God,” dea language.)

Start 32:29

But den Jacob tell, “Try tell me yoa name?” But da guy tell, “How come you like know? No good you aks me dat!” Right den an dea, da guy tell Jacob da spesho tings God like do fo him.

Start 33:20

Jacob put up one altar dat place, an he call um El-Elohe-Yisrael, dat mean “God, he da God fo Israel,” dea language.

Start 35:10

He tell Jacob, “You, yoa name Jacob, But from now, yoa name no goin be Jacob. Yoa name Israel now.” Dass how God give Jacob da name Israel, “Fight Wit God.”

1 Kings 11:31

Ahijah tell Jeroboam, “Take ten a da pieces fo you. Cuz dis wat Da One In Charge, da God fo da Israel peopo, tell. He tell, ‘Lissen up! I goin take away da right from Solomon fo be da king! An I goin give you ten a da Israel ohanas. Az why I stay broke dis robe fo make small pieces.

1 Kings 18:11

An now, you tell me go tell my boss, ‘Elijah stay hea awready!’

1 Kings 18:31

Elijah go get twelve stone, one stone fo all da twelve ohanas dat come from Jacob. (An Jacob, he da guy long time befo time get one message from God, “From now, yoa name goin be ‘Israel.’ ”)

2 Kings 17:25

Da time dose odda peopos start fo live dea, dem too neva show respeck fo Da One In Charge. So Da One In Charge put lions in dea wea dey stay, an da lions wen kill some a da peopo.

2 Kings 17:33

Da One In Charge, az ony one a da gods dey get respeck fo, but dey get respeck fo dea gods too. Dass wat all dose peopo wen do inside da land dey come from, befo da Assyria king make um move house to da Israel country.

2 Kings 17:40

But da peopo still no like lissen. Dey still stay do all da kine ting dey wen do da place dey wen live befo time.

Songs 55:20

Da guy dat was my fren wen go hurt me Wen eryting was good wit me an him. He wen make jalike he no need fo do Wat he wen promise fo do.

Smart Guys 14:2

Da peopo dat live da right way, Dey show dey get choke respeck fo Da One In Charge. Da peopo dat stay do wrong erytime, Dey show dey no give a rip bout Da One In Charge.

Isaiah 48:1

You Jacob ohana peopo, Lissen wat I goin tell you guys. You guys get da Israel name too, from yoa ancesta, An you Jerusalem peopo all come from Judah. Wen you guys make one strong promise, You use Da One In Charge name. You tell da God dat Israel wen pray to Fo him make shua you do wat you wen promise fo do. Still yet, you guys no mean wat you tell, An you no do wass right.