2 Kings 17:25 - Hawaii Pidgin Bible

²⁵ Da time dose odda peopos start fo live dea, dem too neva show respeck fo Da One In Charge. So Da One In Charge put lions in dea wea dey stay, an da lions wen kill some a da peopo.

2 Kings 17:25 ပူးပေါင်းရင်းမြစ်များ

1 Kings 13:24

Den da guy dat know God stay go. One lion see um on top da road an kill um. Da lion throw down da mahke guy body on top da road. Da donkey an da lion stan dea nea da body.

1 Kings 20:36

Da guy dat talk fo God tell, “Cuz you no wack me like how Da One In Charge tell, wen you go way from hea, one lion goin kill you.” An afta da guy go way litto bit, one lion find da guy an kill um.

2 Kings 17:26

Den dey tell da Assyria king dis: “You know da peopos from all ova da place you wen bring in fo dem live inside da Samaria towns? Dey donno wat kine rules da god fo dat land ova dea tell dey gotta make shua dey do. So he stay sen lions ova dea wea dey stay. An now, da lions stay kill da peopo, cuz no mo nobody dea dat know wat da god fo dat land tell dey gotta do.”

2 Kings 17:28

So one a da pries guys dat da Assyria guys wen take away from Samaria town wen go back an make house Bethel town. He da one stay show da peopo ova dea how fo show respeck fo Da One In Charge.

2 Kings 17:32

Da new peopo from odda places, same ting, dey show respeck fo Da One In Charge. But dey pick peopo from all ova dea land too, fo make dem da pries guys fo da sacrifice places on top da hills.

2 Kings 17:34

Till today, dose odda peopos still do da same ting dey wen do befo time. Dey no show respeck fo Da One In Charge fo real kine. Dey no stay do wat God tell dey gotta do. Dey no do wat God Da Judge tell az right. Dey no stay stick wit da rules dat Da One In Charge wen give da Jacob ohana, an give um da name Israel.

2 Kings 17:41

No matta dese peopo from odda country stay show respeck fo Da One In Charge, but da same time dey make da idol kine gods dea boss. Jalike today, dea kids an grankids still stay do jalike dea ancesta guys wen do.

2 Kings 2:24

He turn aroun, an look at dem, an he tell Da One In Charge put kahuna on top dem, cuz he Da One In Charge guy. Den two bears come out from da fores, an attack da young guys an hurt forty-two a dem.

Isaiah 15:9

I stay cry cuz da stream dat go by Dimon Stay full wit blood, not watta. But God still goin make Mo plenny bad kine stuff happen fo da Dimon peopo: Da Moab peopo dat run away, An da peopo dat stay dea on top da land too, Da lion goin chase um an get um.

Jeremiah 10:7

Erybody gotta get choke respeck fo you! Cuz you da king fo all da peopos. Az who you! Da diffren peopos get dea guys dat know wat fo do erytime, An dey get dea kings, But still yet no mo nobody stay jalike you!

Jeremiah 15:3

Da One In Charge tell: “I goin sen four kine tings fo wipe dem out: guys wit swords fo kill dem, da dogs fo drag da bodies out, da birds inside da sky, an da wild animals inside da fields fo eat um up an wipe um out.

Jeremiah 5:6

Az why da lions from da fores Goin attack dem. Da wild dogs from da up country boonies goin wipe um out. Da leopards goin wait fo dem nea da towns Fo jump whoeva go outside. Dis goin happen cuz dey go agains me ova an ova, An dey go da wrong way plenny times.’ ”

Ezekiel 14:15

“O maybe I sen wild kine animals inside dat land fo kill da kids ova dea. An den peopo no can live dea. No mo nobody can go thru dea cuz da wild animals stay run aroun all ova da place.

Ezekiel 14:21

“Cuz dis wat me Da One In Charge, da Boss, tell: Fo shua, goin be mo worse fo da peopo inside Jerusalem wen I sen da four bad kine tings agains dem cuz I da Judge: war, no mo food, wild kine animals, an da real bad kine sick. Den da peopo an dea animals goin mahke.

Daniel 6:26

“Dis da rule: All ova da land wea I stay king, erybody gotta come sked an shaking in front Daniel God an get respeck fo him. “He da God dat stay alive. He live foeva. No mo nobody can wipe out Da peopo wea he stay da king. He goin stay in charge foeva.

Prieses 26:22

I goin sen wild kine animals agains you guys. Dey goin kill yoa kids, an wipe out yoa cows. Dey goin make you guys come ony litto bit peopo, den no mo nobody goin walk on top da roads inside yoa land.

Jonah 1:9

Jonah tell um, “Me, I one Hebrew guy. I get love an respeck fo Da One In Charge, da God Up Dea Inside Da Sky. He da One wen make da ocean an da land.

Joshua 22:25

Da One In Charge wen make da Jordan Riva jalike one wall wit us on dis side an you Reuben an Gad guys on da odda side. You guys no mo da right fo go down in front Da One In Charge.’ So den yoa kids goin make oua kids pau stay sked a Da One In Charge an no goin respeck um.