2 Kings 17:20 - Hawaii Pidgin Bible

²⁰ Az why Da One In Charge come plenny huhu an cut off da Israel peopo from him. He let da steala guys rip off dea stuffs, all da time till he kick dem outa da land wea he stay.

2 Kings 17:20 ပူးပေါင်းရင်းမြစ်များ

2 Kings 13:23

But Da One In Charge get one good heart fo da Israel peopo, an pity dem, an give dem chance, cuz a da deal he wen make wit Abraham, Isaac, an Jacob. Even till now Da One In Charge no like wipe um out o chase um away from wea he stay.

2 Kings 13:3

Az why Da One In Charge come real huhu wit da Israel peopo. Fo long time he give Hazael, da Aram king, an his boy Ben-Hadad powa ova dem.

2 Kings 13:7

Dat time, ony get litto bit army guys stay fo Jehoahaz. Ony get fifty horse an ridas, ten war wagon, an ten tousan army guys. Cuz da Aram king wen wipe out all da oddas, an make um come jalike da dirt dat fall down wen peopo hemo da junks from da wheat.

2 Kings 15:29

Wen Pekah stay king Israel side, da Assyria king Tiglat-Pileser come back attack one mo time. He take ova five town: Ijon, Abel Bet-Maakah, Janoah, Kedesh, an Hazor. He take da Gilead an Galilee lands too, an all da Naftali land, an make da peopo dea give up dea land an go Assyria side.

2 Kings 17:15

Dey no do wat God tell um dey suppose to do, an dey no keep da deal dat he wen make wit dea ancesta guys. Wen God tell um bad kine stuff goin happen, dey no lissen. Dey stay tight wit da idol kine gods dat ony wase time, an dey come wase time jalike dea gods too. Dey copy da odda nations aroun dem, no matta Da One In Charge tell um fo no make lidat!

2 Kings 17:18

So Da One In Charge come real huhu wit da Israel peopo, an cut dem off from him. Ony da Judah ohana he wen keep!

2 Kings 18:9

Wen Hezekiah stay king four year, an Hoshea, Elah boy, stay da Israel king fo seven year, Shalmaneser, da Assyria king, bring his army guys up fo attack Samaria town. He put his army guys all aroun da town fo nobody go inside o come outside.

2 Kings 21:14

I no goin take kea da peopo dat suppose to stay mines, da ones dat still yet stay alive. I goin turn um ova to da peopo dat stay agains dem. All da peopo dat stay agains dem, goin steal all dea stuffs.

2 Kings 23:27

Az why Da One In Charge tell, “I goin take away da Judah peopo from in front me, jalike I take away da Israel peopo awready. I goin throw out dis Jerusalem peopo. No matta I wen pick dis town an dis Temple. No matta I wen tell, ‘Dis Temple goin be da place wea peopo can find out who me!’ ”

2 Kings 24:3

Fo shua, all dat happen to da Judah peopo, jalike Da One In Charge wen tell, fo kick um out so dey no can show face in front him no moa. Da One In Charge do dat cuz a all da bad kine stuff dat King Manasseh wen do befo time.

1 Records 16:13

All you peopo dat come from Israel Dat was one worka guy fo Da One In Charge, Dass all you guys dat get Jacob fo yoa ancesta, An Da One In Charge wen pick you guys.

Nehemiah 9:2

Da peopo from da Israel ohana stan one side, away from all da odda peopo dat not from dea. An da Israel peopo tell erybody da bad kine tings dey wen do, an wat dea ancesta guys wen do too.

Songs 51:13

An fo shua I goin teach Da peopo dat go agains you. Den dey goin know Da way you tell um fo live. An dass how da peopo Dat do bad kine stuff, Goin come back to you.

Songs 53:5

Bumbye, someting goin happen ova dea Fo make dem guys come real sked, Mo plenny sked den was befo time. Cuz wen da peopo dat stay agains you Put dea army camp in front you, You goin make dem all come shame. An God goin kill um An throw dea bones all ova da place, Cuz he tell “Laytas” to wat dey do.

Songs 80:13

You let peopo rip into us guys, Jalike da wild pig from da fores Rip into da grape plants, An all da wild animals From da boonies eat up eryting.

Isaiah 2:6

Cuz Da One In Charge, you wen leave yoa peopo awready, Da Jacob ohana peopo. Dey lissen da odda peopo from da east side, Babylon side, So now dey even go call da spirit from da mahke peopo Fo come tell um wat goin happen bumbye, Jalike da Filisha peopo stay do. Yoa peopo stay make one deal wit da odda peopos Dat donno you.

Isaiah 45:25

But wen all da peopo Dat come from oua ancesta Israel Stay tight wit Da One In Charge, Den dey goin get um right wit him. An dey goin tell good stuff bout him.”

Jeremiah 15:1

Den Da One In Charge tell me: “No matta if Moses an Samuel stay stan in front me praying, no way I goin feel pity fo dis peopo! Take dis peopo away from me!

Jeremiah 46:28

“No sked, you Jacob peopo, my worka guys, Cuz I stay wit you guys. No matta I stay wipe out all da peopos Wea I wen make you come dea prisonas, I no goin wipe out all you guys. I goin judge you guys da right way, An den I goin punish you guys, ony fo teach you. I no goin jus let you guys go, But I goin punish you guys.” Az wat Da One In Charge tell.

Jeremiah 52:3

Cuz a dat, Da One In Charge come real huhu wit da Jerusalem peopo an da Judah peopo. So he throw dem outa da place he stay. Den Zedekiah fight fo no let da Babylon king stay in charge a da Judah peopo.

Jeremiah 6:30

Dey jalike da silva dat nobody can use. Cuz Da One In Charge tell ‘Laytas’ to dem!”

Jeremiah 7:15

I goin kick you guys out so you no can come in front me, jalike I wen do to yoa braddah guys da Efraim ohana.

Hosea 1:6

Gomer come hapai one mo time, an born one bebe girl. Da One In Charge tell Hosea, “Give her da name Lo-Ruhamah. Dat mean ‘Nobody pity her.’ Cuz I no goin show pity fo da Israel ohana no moa. An I no goin take away dea blame no moa.

Hosea 12:3

Wen Jacob wen stay inside his muddah, He grab his braddah heel. An wen he grow up, he wresso wit God.

Jonah 1:10

An I stay run away from him!” Wen da saila guys hear dat, dey come real sked. Dey tell Jonah, “Eh, why you do dat, aah?”

Jonah 1:3

But Jonah, he no lissen. He go da odda way fo dig out from Da One In Charge fo go Tarshish side (dass Spain, you know). He go down Joppa boat harbor an find one big boat dat goin go Tarshish. He pay da money fo go, an he go on top da boat fo go Tarshish wit da saila guys. He figga he can go far away from Da One In Charge.

Matthew 25:41

“Den I goin tell da odda guys on my lef side, ‘Get outa hea, you guys! God goin punish you guys! You goin go inside da fire dat stay ready fo da Devil an his angel messenja guys. An dat fire no goin pio eva!

Rules Secon Time 11:12

Az one land wea yoa God, Da One In Charge, take kea da land. He watch um erytime, from da start to da end a da year.

Rules Secon Time 32:20

Da One In Charge tell, “I goin hide my face from dem, An see wat goin happen to dem. Cuz dey one crooked kine peopo. Dey kids dat I no can trus.

2 Tessalonika 1:9

God goin punish dem, an wipe dem out to da max foeva. No way dey goin stay wit Da One In Charge. No way dey eva goin see da awesome kine tings he get da powa fo do.

Joshua 23:13

den fo shua yoa God, Da One In Charge, no goin take away dea property from dose nations, in front you guys. Dey goin come one trap fo you guys. Dey goin whip yoa sides, an poke thorns inside yoa eyes, till you guys come wipe out inside dis good land dat yoa God, Da One In Charge, wen give you guys.

Local Leadas 18:30

Ova dea da Dan peopo put up da idols. Jonathan, da Levi guy dat come from Gershom, Moses grankid, an da ones dat come from Jonathan come pries guys fo all da Dan peopo till da time wen dey come prisonas an go Babylon side.

Local Leadas 2:14

Da One In Charge stay huhu wit da Israel peopo. So he let some steala guys go rip dem off. Az jalike he sell dem to da peopo dat live all aroun dem an hate dem. Da Israel peopo no mo da powa fo stop da steala guys.

1 Samuel 15:23

Cuz anybody dat go agains Da One In Charge, az bad, Jalike if dey aks da fortune tella guys wat goin happen, An anybody dat no do how dea boss tell um fo do, az wrong awready, Jalike if dey go down in front da idol kine gods. You! Cuz you tell ‘Laytas’ to wat Da One In Charge tell you fo do, Az why he tell ‘Laytas’ to you! You no goin stay king no moa!”

1 Samuel 15:26

But Samuel tell him, “Eh! I not goin go back wit you. You no lissen wat Da One In Charge tell you fo do. Az why Da One In Charge tell ‘Laytas’ to you. You no goin stay da king fo da Israel peopo no moa.”

1 Samuel 16:1

Da One In Charge tell Samuel, “You goin stay sad inside all da time cuz a Saul, o wat?! I tell ‘Laytas’ to him fo no be da king fo da Israel peopo no moa. Fill up yoa cow horn bottle wit olive oil, an go; I goin sen you by Jesse, da Betlehem guy. I wen awready pick one a his boys fo come da nex king fo me.”