2 Kings 17:15 - Hawaii Pidgin Bible

¹⁵ Dey no do wat God tell um dey suppose to do, an dey no keep da deal dat he wen make wit dea ancesta guys. Wen God tell um bad kine stuff goin happen, dey no lissen. Dey stay tight wit da idol kine gods dat ony wase time, an dey come wase time jalike dea gods too. Dey copy da odda nations aroun dem, no matta Da One In Charge tell um fo no make lidat!

2 Kings 17:15 ပူးပေါင်းရင်းမြစ်များ

Rules Secon Time 32:21

Dey make me come jealous Cuz dey pray to da kine gods Dat not gods fo real kine. Dey make me come huhu Cuz a dea idol kine gods dat good fo notting. Me, I goin make dem come jealous, Cuz I goin do good tings Fo some no good peopo, not dem. I goin make dem come huhu Cuz I goin do good tings fo one nation Dat donno notting, not dem.

Jeremiah 2:5

Lissen wat he tell, “How come yoa ancesta guys tell ‘Laytas!’ to me?! Wot?! Dey tink I wen do someting wrong, o wat?! Dey wen pray to da idol kine gods dat good fo notting. Az how come yoa ancesta guys come good fo notting too.

Jeremiah 8:9

Dese peopo dat tink dey know wat fo do erytime, Dey goin come shame. Dey goin come sked Jalike dey fall down inside one trap. Az cuz dey tell “Laytas” to wat Da One In Charge tell. So den, how come you guys tink Dey mo smart fo real? Dey know wat fo do erytime, o wat?!

1 Kings 16:13

Da One In Charge make dis happen cuz a all da bad kine stuff Baasha an his boy Elah wen do, an all da bad kine tings dey wen make da Israel peopo do, fo make dea God, Da One In Charge, come huhu, cuz Baasha an Elah wen stick to da idol kine gods dat no can do notting.

1 Corint 8:4

So den, even if da peopo make one sacrifice to da idol kine gods, an den somebody go eat dat food, we all know dat da idol kine gods inside dis world not da real God. Jalike da Bible tell, “Ony get one God dass fo real, an all da odda gods no mean notting.”

Jeremiah 44:23

You guys burn incense an wen do bad kine stuff agains Da One In Charge. You guys no lissen wat Da One In Charge tell you, o follow his rules, o do da odda stuff he tell you guys you gotta do. You no live da way he like you fo live. An az why all dis bad kine stuff happen to you guys, jalike how stay now.”

Jeremiah 44:4

Ova an ova, I wen sen you guys all my worka guys dat talk fo me. Dey tell: “Nah, no go do dis kine pilau kine stuff I hate!”

Jeremiah 31:32

No goin be jalike da deal I wen make wit dea ancesta guys, Da time I wen take dea hand An pull um outa Egypt. Cuz dey wen broke dat deal I wen make wit dem, No matta I get da right fo tell dem wat fo do.”

Jeremiah 10:15

Dey no worth notting. Can ony make fun a dem. Wen dey go stan in front da Judge, He goin wipe dem out.

Jeremiah 10:8

Dea smart guys, dey no can tink mo betta den da animals, An dey do stupid kine stuff. Fo shua, no can learn wat fo do From da idol kine gods dey make from wood!

Songs 115:8

Da peopo dat make idol kine gods, Dey goin come jalike dose gods. Same ting fo all da peopo Dat stay trus dat kine gods.

Nehemiah 9:26

“But still yet, da peopo no like lissen. Dey make war agains you. Dey tell laytas to da Rules you wen teach An make jalike dey no mean notting. Dey kill da guys dat stay talk fo you, Yoa talka guys dat wen talk to dem serious kine Fo help um turn aroun Fo come tight wit you one mo time. Dey talk real bad bout you.

2 Records 33:9

But Manasseh lead da Judah an Jerusalem peopo da wrong way. Az why dey do even mo bad kine stuff den da odda peopos dat Da One In Charge wen wipe out wen da Israel peopo come dea.

2 Records 33:2

He do bad kine stuff, da way Da One In Charge see um. He stay do da same pilau kine stuff jalike da peopos wen do dat Da One In Charge wen throw outa da land wen da Israel peopo come dea.

2 Kings 17:8

Da One In Charge wen throw out da diffren peopos from da land befo time, fo da Israel peopo come take ova um. But still yet, dey come jalike dose odda peopos an ack jalike dem. Dey even do da kine tings dat da Israel kings do too.

1 Samuel 12:21

Mo betta hang in dea wit Da One In Charge. No go wit da idol kine gods cuz dey no mo notting inside! Dey no can do notting good fo you guys. Dey no can get you guys outa trouble cuz dey notting.

Rules Secon Time 32:31

Cuz dea gods dat stay strong jalike one rock Fo da guys dat stay agains us guys, Dey not strong like oua Rock! Even da guys dat stay agains us know dat!

John 2:8

Den he tell um, “Now, go take some out, an take um to da guy in charge a da luau.” So dey take um to da guy.

Prieses 26:15

Maybe you guys no like da tings I tell you gotta do. Maybe you guys get mad wen I make diffren kine to da good peopo an da bad peopo. An maybe you guys broke da deal I wen make wit you guys.

1 Kings 11:11

Az why Da One In Charge tell Solomon: “Cuz a all dis stuff you stay do, you no keep yoa side a da deal! You no do da tings I wen tell you dat you gotta do. Cuz a dat, dis wat I goin do. Fo shua I goin take away da right fo you be da king. I goin give one a da guys dat work fo you da right fo come da king.

Songs 78:10

Dey neva stick wit da deal Dey get wit God, Dey wen tell, “Us no goin live Da way da Rules From God tell!”

Jeremiah 44:8

How come you guys make me come real huhu wit yoa idol kine gods dat you guys make wit yoa hands, aah? Cuz you guys burn incense fo da odda gods inside Egypt wea you guys live now! You guys come wipe out. You goin make all da odda peopos on top da earth like put kahuna on top you. Dey goin poin finga you cuz a all da bad stuff you do.

Jonah 2:8

Whoeva go down in front Da good fo notting idol kine gods, Dey no like stay tight wit you. An dey tell ‘Laytas!’ fo you stay tight wit dem.

Outa Egypt 16:28

Den Da One In Charge tell Moses, “How much time you guys no goin do wat I tell you fo do, an no lissen my Rules?!

Rules Secon Time 18:10

No good if even one a you guys throw yoa boy o girl inside da fire fo make one sacrifice. No go find out from da spirits wat goin happen bumbye. No come one fortune tella guy. No tink da tings you see az one sign fo you tell peopo wass goin happen. No put kahuna on nobody.

Rules Secon Time 29:24

All da odda peopos goin aks, ‘How come Da One In Charge do dis to dis land? How come he real huhu?’

2 Records 24:19

Da One In Charge sen guys by da peopo fo talk fo him, fo dem bring back da peopo by him. But no matta da guys dat talk fo God tell da peopo fo make shua dey serious bout wat dey do, da peopo no lissen.

Jeremiah 7:26

But yoa ancesta guys no lissen me o tink bout wat I tell. Dey hard head, an dey do mo plenny bad kine stuff den dea ancesta guys wen do.

Jeremiah 44:22

You guys all da time wen do da worses pilau kine stuff eva. But Da One In Charge, he had it awready wit you guys. Az how come yoa land come all wipe out. An dass goin get one bad rep dat peopo like use fo put kahuna on top somebody, cuz no mo peopo live ova dea. An dass how stay today.

Ezekiel 2:3

He tell, “Eh, you! Fo Real Kine Guy! I stay give you one job fo go talk to da Israel peopo. Dey one peopo dat like fight wit me all da time. An still yet, dey stay fight wit me jalike dea ancesta guys.

Ezekiel 12:2

“Eh! Fo Real Kine Guy! You live wit one peopo dat erytime go agains me. Dey get eyes fo see, but dey no see, an ears fo hear, but dey no hear, cuz dey erytime go agains me.