2 Kings 17:14 - Hawaii Pidgin Bible

¹⁴ But da peopo, dey make deaf ear an no like lissen. Dey hard head jalike dea ancesta guys, dat no trus dea God, Da One In Charge.

2 Kings 17:14 ပူးပေါင်းရင်းမြစ်များ

2 Records 24:19

Da One In Charge sen guys by da peopo fo talk fo him, fo dem bring back da peopo by him. But no matta da guys dat talk fo God tell da peopo fo make shua dey serious bout wat dey do, da peopo no lissen.

2 Records 36:13

Zedekiah even try fo fight King Nebukadnezzar, no matta befo time King Nebukadnezzar wen make Zedekiah make one strong promise an use God name fo do um. Zedekiah come hard head. He no change his mind fo come pono wit Da One In Charge, da God fo da Israel peopo.

Nehemiah 9:29

“You wen tell da peopo fo wise up, Cuz you like make dem come back An lissen yoa Rules. But dey ack jalike you not fo real. Dey no like lissen da tings You teach dey gotta do, An dey no lissen Wat you tell cuz you da Judge. Dey go do bad kine stuff, Jalike you tell um no do. Cuz wen peopo do wat you tell um, Dey goin live fo real kine. But dem, dey no like change. Dey hard head an no like lissen.

Songs 106:24

Afta dat, da peopo neva like come Inside dis nice land. Dey ack jalike da place no good. Wen God make one promise to dem Dey neva trus him fo do um.

Songs 78:22

Cuz dey neva trus God, az why. Dey neva like tink lidis: “God da One Fo get us guys outa trouble!”

Songs 78:32

But no matta wat God do, Da peopo still yet do bad kine stuff. Dey no trus God, even afta Dey see da awesome tings he do.

Songs 78:8

God no like fo dem ack Jalike dea ancesta guys, Cuz da peopo from dat time, Dey get hard head, An neva like do wat God tell um fo do. Dose peopo, dey neva make shua Dey stay solid inside, Cuz da way dey stay inside, God no trus um.

Outa Egypt 16:28

Den Da One In Charge tell Moses, “How much time you guys no goin do wat I tell you fo do, an no lissen my Rules?!

Outa Egypt 32:9

Da One In Charge tell Moses: “I know dis peopo. Dey real hard head.

Outa Egypt 33:3

Go dat good land, wea get plenny milk an honey erytime. But me, I no goin go wit you guys, cuz you all hard head, an bumbye I goin wipe out all you guys befo you get dea!”

Smart Guys 29:1

Da kine guy dat make deaf ear Cuz peopo tell um ova an ova He do wrong an he betta stop, Fo real Da One In Charge goin bring down dat guy one time. Cuz no way da guy can come good bumbye.

Isaiah 48:4

Cuz I know you guys get hard head. Yoa neck jalike iron An yoa forehead jalike bronze metal.

Jeremiah 3:7

I wen tink dat afta dey do all dat kine stuff, dey goin come back by me, but dey neva. An da Judah peopo, dey jalike dea sistah guys too. Dey see wat da Israel peopo do, an dey do da same ting an ack jalike one wahine you no can trus too.

Jeremiah 34:14

‘Ery seven year, all you guys dat get Jew slaves dat you wen buy, you gotta let um go afta dey work fo you fo six year.’ But yoa ancesta guys, dey no lissen me, dey ony make deaf ear.

Jeremiah 7:26

But yoa ancesta guys no lissen me o tink bout wat I tell. Dey hard head, an dey do mo plenny bad kine stuff den dea ancesta guys wen do.

Ezekiel 12:2

“Eh! Fo Real Kine Guy! You live wit one peopo dat erytime go agains me. Dey get eyes fo see, but dey no see, an ears fo hear, but dey no hear, cuz dey erytime go agains me.

Ezekiel 2:3

He tell, “Eh, you! Fo Real Kine Guy! I stay give you one job fo go talk to da Israel peopo. Dey one peopo dat like fight wit me all da time. An still yet, dey stay fight wit me jalike dea ancesta guys.

Ezekiel 3:19

But if you tell um, an still yet he stay do da bad kine stuff, dat guy goin mahke cuz a all da bad kine stuff he do. But you goin stay alive cuz you wen tell him.

Daniel 5:20

“But den, King Nebukadnezzar start fo get big head, an inside, he come hard head an tink he can make how he like. Az why God throw him out fo be da king, an da peopo no show respeck fo him no moa.

Hosea 11:2

But no matta how plenny I wen call dem, Dey go da odda way, mo far away. Dey wen make sacrifice fo da Baal gods, An dey burn incense fo da idol kine gods.

Jesus Guys 7:51

Den Stephen tell, “You guys real hard head! You no like go all out fo God! You no like lissen him! You make jalike yoa ancesta guys! You erytime like beef da Good An Spesho Spirit!

Rules Secon Time 1:32

“No matta oua God, dass Da One In Charge a us, do all dat, still yet you guys no trus him.

Rules Secon Time 31:27

Cuz I know how you guys wen go agains me, an dat you guys hard head. I know you guys wen go agains Da One In Charge wen I still yet stay hea wit you guys, an fo shua you guys goin go agains him even mo plenny afta I mahke!

Rules Secon Time 9:13

Da One In Charge tell me, ‘I see awready, an you know wat?! Dese peopo hard head fo shua!

Hebrews 3:12

Eh, my braddahs an sistahs, watch out! Make shua dat nobody get one pilau kine attitude, da kine wea dey no trus God, an da kine attitude wea dey tell God, da One dat stay alive fo real kine, “Laytas wit you!”