2 Kings 15:30 - Hawaii Pidgin Bible

³⁰ Den Hoshea, Elah boy, make one plan fo kill Pekah, Remaliah boy. Hoshea guys attack Pekah an kill um, an den Hoshea come da nex Israel king. Dat happen wen Jotam, Uzziah boy, stay da Judah king fo twenny year.

2 Kings 15:30 ပူးပေါင်းရင်းမြစ်များ

2 Kings 15:10

Had one guy Shallum, Jabesh boy, make one plan wit some odda guys fo kill Zekariah. Shallum attack Zekariah in front da peopo an kill um. So Shallum come da nex king afta Zekariah.

2 Kings 15:25

Pekah, Remaliah boy, he one a da main leada guys fo Pekahiah army. He make one plan fo kill Pekahiah. Pekah take fifty guys from Gilead wit him fo go inside da strong wall part a da king palace inside Samaria town. He kill Pekahiah, Argob, an Aryeh. Dass how Pekah kill Pekahiah an come da nex king afta him.

2 Kings 15:29

Wen Pekah stay king Israel side, da Assyria king Tiglat-Pileser come back attack one mo time. He take ova five town: Ijon, Abel Bet-Maakah, Janoah, Kedesh, an Hazor. He take da Gilead an Galilee lands too, an all da Naftali land, an make da peopo dea give up dea land an go Assyria side.

2 Kings 15:31

All da odda stuff dat Pekah wen do, stay inside da Record Book Fo Da Israel Kings.

2 Kings 16:1

Wen Pekah, Remaliah boy, stay da Israel king fo seventeen year, Ahaz, Jotam boy, come da Judah king.

2 Kings 17:1

Wen Ahaz stay da Judah king fo twelve year, Hoshea, Elah boy, come da Israel king inside Samaria town. He stay king fo nine year.

2 Records 28:16

Dat time, Ahaz da Judah king sen messenjas by da Assyria king, fo aks da Assyria king fo help him.

Isaiah 7:16

But befo he come dat big, da land dat you worry bout wea da two kings stay goin come all bus up, an no mo notting goin stay dea.

Isaiah 8:6

“Dis Judah peopo tink Dat wat I stay do fo dem, az no good. No matta I do good tings fo dem, Jalike I give um da watta Dat run slow inside da Siloam watta place. But dey ony feel good cuz dey hear Bout wat goin happen To Rezin da king fo Aram, An to Remaliah boy da king fo Israel.

Hosea 10:15

Same ting goin happen to you Bethel peopo, Cuz you guys stay do real bad kine stuff! An da day wen Da One In Charge goin fight Wen start fo get light, Da Israel king goin mahke!”

Hosea 10:3

Den da peopo goin tell, “Us Israel peopo no mo king, Cuz us no mo respeck fo Da One In Charge! But even if we get one king, He no can do notting fo us guys!”

Hosea 10:7

Da Samaria peopo an dea king goin come wipe out, Jalike one small stick dat da watta carry away.