2 Kings 15:10 - Hawaii Pidgin Bible

¹⁰ Had one guy Shallum, Jabesh boy, make one plan wit some odda guys fo kill Zekariah. Shallum attack Zekariah in front da peopo an kill um. So Shallum come da nex king afta Zekariah.

2 Kings 15:10 ပူးပေါင်းရင်းမြစ်များ

1 Kings 15:28

Was da numba three year Asa stay king Judah side, wen Baasha kill Nadab fo take ova from Nadab fo come king.

2 Kings 12:21

Was Jozabad Shimeat boy an Jehozabad, Shomer boy, da palace guys dat wen kill him. Da peopo bury Joash wit his ancesta guys inside David big town. Amaziah, Joash boy, come da nex king.

2 Kings 14:19

Az why some guys make one plan fo kill Amaziah inside Jerusalem town. Amaziah run away Lakish town, but dey sen guys afta him Lakish side an kill um ova dea.

2 Kings 15:11

Da odda stuff dat Zekariah wen do, stay inside da Record Book Fo Da Israel Kings.

2 Kings 15:14

Den Menahem, Gadi boy, go up from Tirzah to Samaria. He attack Shallum, Jabesh boy, inside Samaria, an kill him. An Menahem come nex king afta him.

2 Kings 15:22

Menahem mahke an dey bury um wit his ancesta guys. An Pekahiah his boy come da nex king.

2 Kings 15:25

Pekah, Remaliah boy, he one a da main leada guys fo Pekahiah army. He make one plan fo kill Pekahiah. Pekah take fifty guys from Gilead wit him fo go inside da strong wall part a da king palace inside Samaria town. He kill Pekahiah, Argob, an Aryeh. Dass how Pekah kill Pekahiah an come da nex king afta him.

2 Kings 15:30

Den Hoshea, Elah boy, make one plan fo kill Pekah, Remaliah boy. Hoshea guys attack Pekah an kill um, an den Hoshea come da nex Israel king. Dat happen wen Jotam, Uzziah boy, stay da Judah king fo twenny year.

2 Kings 15:9

Da way Da One In Charge see Zekariah, he do bad kine stuff jalike his ancesta guys wen do. He no tell “Laytas” to da bad kine stuff dat Jeroboam Numba One, Nebat boy, do, wen he wen make da Israel peopo do bad kine stuff.

2 Kings 9:24

Den Jehu take his bow an arrow an shoot Joram in da middo a his back. Da arrow go all da way inside Joram heart, an he go down inside his war wagon.

2 Kings 9:31

Wen Jehu go inside da town gate, she aks, “You come hea fo attack us guys, o wat?! Fo shua, you come hea jalike Zimri, da guy dat wen go kill his boss!”

Hosea 7:7

Dey all stay huhu jalike one oven dat still stay real hot. Dey wipe out dea leada guys. Dey kill all dea kings cuz a dat. But not even one a da king guys call to me, Da One In Charge, fo help um.

Hosea 8:4

Dey pick dea kings, but az not da ones I pick. Dey pick princes, but az da ones I no like. Dey make dea idol kine gods from da silva an gold dey own, But da ones dat make um ony goin get wipe out.

Amos 7:9

Da One In Charge tell dis too: “Da places on top da hills Wea da ohana dat come from Isaac go fo pray, I goin broke um down. Da places da Israel peopo build fo be spesho fo me, Goin come one rock pile. Da peopo from da King Jeroboam ohana, I goin sen army guys fo go afta dem wit swords!”