2 Kings 14:9 - Hawaii Pidgin Bible

⁹ But Jehoash, da Israel king, tell da messenja guys fo go back tell dis story to Amaziah, da Judah king: “You, you jalike one small thorn bush on top da Lebanon mountains, dat sen one message to one big Lebanon cedar tree, ‘Give yoa girl to my boy fo marry!’ Right den an dea, one wild animal from da Lebanon mountains come by dea, an smash down da thorn bush.

2 Kings 14:9 ပူးပေါင်းရင်းမြစ်များ

1 Kings 4:33

He know fo tell bout all da plants, from da big cedar tree dat grow Lebanon side, to da small oregano plant dat grow outa one wall. He know how fo tell bout da animals, da birds, da snakes an lizards, an da fish.

2 Records 25:18

But Jehoash da Israel king tell Amaziah da Judah king: “Jalike one thorn bush inside Lebanon sen one messenja fo tell one cedar tree inside Lebanon ‘Let yoa girl marry my boy.’ But den one wild animal come an walk all ova da thorn bush.

2 Records 33:11

Az why Da One In Charge bring agains da Israel peopo da army leadas fo da Assyria king. Dey catch Manasseh, an make him prisona. Dey put one hook thru his nose, chain him up wit bronze metal leg chains, an make um walk all da way Babylon side.

Job 31:18

But dass not how was! From da time I stay young, I raise da kids dat no mo faddah, jalike I was dea faddah, An from young time, I take kea da widows.

Outa Egypt 3:2

Had one angel messenja guy from Da One In Charge show up an let Moses see um. Da angel guy look jalike fire dat come outa da middo a one bush. Moses, he stay eye um up. An he tink, “How come lidat? Get fire stay burning all ova inside da bush, but da bush no burn up!”

Smart Guys 26:9

Wen one dumb buggah Dat tink he no need learn notting Try fo tell importan kine stuff Fo make odda peopo tink plenny, Fo shua he goin hurt somebody, Jalike wen one piloot guy Get one kiawe plant wit plenny thorn Fo wack somebody.

Love Song 2:2

Honey Girl, Wen she stay wit da odda wahines, She jalike da lily flowa dat grow Wit thorn bushes dat grow all aroun her.

Isaiah 34:13

Dea palaces goin get thorn bush grow all ova da place. An dea towns dat get strong wall goin get stickas an kukus all ova. Da wild jackal dogs goin stay an eat dea, An goin be da place fo da owl birds.

Ezekiel 20:49

Den I tell, “Eh! Da One In Charge, da Boss! Da peopo talk lidis bout me. Dey tell, ‘He ony tell da kine stories dat make him look smart but no mean notting!’ ”

Hosea 9:6

Even if da Israel peopo no come wipe out, You know wat goin happen?! Da Egypt peopo goin make um prisonas, An da Memphis peopo goin bury dem. Da thorn bushes goin take ova da silva dey like plenny, An take ova dea tents.

1 Corint 12:15

Wat if one foot wen go tell, “Me, I not one hand, so gotta be, I not from dis guy body!” You tink dat mean da foot not from da same guy body? No way!

1 Samuel 13:6

Wen da Israel guys see az goin be bad fo dem, an dat da Israel army get plenny presha, dey lose fight an dey go hide inside da caves an bushes, inside da cracks in da cliffs, an inside holes cut in da rocks an pukas fo watta.