2 Kings 14:10 - Hawaii Pidgin Bible

¹⁰ Fo shua, you wen win ova da Edom guys, an now you get smart wit me! Let yoa peopo respeck you cuz you wen win, but no come hea ack big! No good you make lidat an lose da war, cuz den you goin mahke, you an da Judah peopo too!”

2 Kings 14:10 ပူးပေါင်းရင်းမြစ်များ

2 Kings 14:7

Amaziah, he da one wen win ova ten tousan Edom guys inside da Salt Valley. An he take ova dea big town Sela dat time. He call da place Jokteel, an dass da name stay lidat today.

2 Records 26:16

But wen Uzziah get plenny powa, he get big head too. Az how he come wipe out. Az wen he go agains his God, Da One In Charge, cuz he go inside da Temple Fo Da One In Charge fo Uzziah burn incense on top da incense altar.

2 Records 32:25

But laytas, Hezekiah come high nose, da way he tink. So he no tink bout Da One In Charge, dat wen make nice to him. Az why Da One In Charge come real huhu wit him an da peopo inside Judah an Jerusalem.

2 Records 35:21

But Neko sen messenja guys by Josiah. He tell, “Eh! King fo Judah! I no like beef wit you. Dis time I no goin go afta you, I go afta odda guys. God wen tell me fo do um real fas. So you betta not go agains God, cuz he stay wit me! No good he go wipe out you guys.”

Outa Egypt 8:9

Moses tell da Pharaoh guy, “You make one deal wit me dat goin make you look good. Wen I aks Da One In Charge fo help you, yoa palace peopo, an da regula peopo, wat time you like God take away da frogs from you, an from you guys houses, fo da frogs stay ony inside da Nile Riva?”

Smart Guys 15:18

Da kine guy dat stay huhu all da time, He ony like make erybody argue wit each odda. Wen no mo notting bodda one guy, He make erybody come so notting bodda dem.

Smart Guys 16:18

You ack big head, Den, you goin come wipe out. You tink high makamaka kine, Den, you goin fall down.

Smart Guys 17:14

Wen peopo start fo argue, Az jalike you make puka in one dam An let da watta come out an broke eryting. Mo betta make um so notting bodda you, An no say notting, befo you come Jalike one wild animal.

Smart Guys 20:3

Whoeva no talk wen somebody like beef, Peopo goin show respeck fo dem. But all da kine peopo dat do bad kine stuff an no bodda dem, Dey buckaloose an bus up peopo.

Smart Guys 25:8

No go quick fo take somebody in front da judge. Cuz in da end, If da guy can show proof he neva do um, Goin make you plenny shame!

Smart Guys 26:17

If you hear odda peopo talk jalike dey stay beefing An you jump in, no matta az not bout you, Az stupid, dat! Jalike you stay grabbing one wild dog by da ears.

Smart Guys 3:30

If one guy neva do notting to you, No make argue jus fo make argue.

Ezekiel 28:5

You know how fo trade stuff real good, So you come mo rich. But cuz you get plenny stuff dat cost plenny, You tink you real high makamaka.’ ”

Ezekiel 38:17

“Dis wat me Da One In Charge, da Boss, tell: Fo shua, you Gog da one I wen talk bout befo time. I wen tell my worka guys, da ones inside Israel dat talk fo me fo talk bout you. Long time dey talk fo me lidat. My worka guys tell I goin make you go agains my Israel guys.

Ezekiel 38:2

“Eh! Fo Real Kine Guy! Face da Magog land an talk fo me to Gog. Az da main prince fo da Meshek an Tubal nations. Talk bad bout him fo me.

Ezekiel 38:5

All da army guys from Persia, Sudan, an Libya goin come wit dem, wit dea roun shields an dea helmets.

Daniel 11:12

Da Egypt king goin make da Syria army guys come his prisonas. Den, da Egypt king goin get big head, an goin kill plenny tousan Syria guys. But he no goin win dat war yet.

Habakkuk 2:4

“You know wat?! Da Babylon peopo get big head. Wat dey like get, az not right. But whoeva do wass right erytime, He goin live fo real kine, cuz he trus me.

Habakkuk 2:5

Still yet, da big head Babylon army guys no res eva. Dey rich, az why no can trus um. Dey greedy, jalike no mo enuff mahke guys Fo fill up da Mahke Peopo Place. Az why dey catch all da nations fo ony dem, An bring um togedda fo come dea prisonas.

Rules Secon Time 8:14

den watch out! Cuz den you guys goin get big head, an den you goin foget dat oua God, Da One In Charge, wen get you guys outa Egypt, wea you guys was slaves.

James 1:9

Da braddah dat no mo notting, he can feel good inside, cuz he know dat wit God, he importan.

James 4:6

But God like do even mo plenny good tings still yet. Az why da Bible tell, “God stay agains da guy Dat get big head. But da guy dat make shua he da las one, An put da odda guy befo him, God goin do plenny fo dat guy.”

Local Leadas 9:52

Abimelek go by da towa, an attack um. But wen he go nea da door fo burn um up,