2 Kings 13:20 - Hawaii Pidgin Bible

²⁰ Laytas, Elisha mahke, an dey bury him. Ery year spring time, da steala gang guys from Moab stay come inside da Israel land.

2 Kings 13:20 ပူးပေါင်းရင်းမြစ်များ

Start 48:1

Afta all dat happen, somebody tell Joseph, “Eh! Yoa faddah stay sick, you know.” Joseph go by Jacob, an he take his two boys, Manasseh an Efraim, wit him.

Start 49:33

Afta Jacob pau tell his boys wat dey gotta do, he pull his feets inside da bed. Den he breave da las time an mahke, an he go meet his peopo from befo time.

2 Kings 24:2

Da One In Charge sen steala kine army guys from Babylon, Aram, Moab, an Ammon fo fight Jehoiakim. He sen all dem Judah side, fo wipe out da land, jalike Da One In Charge wen tell da guys dat talk fo him befo time, fo go tell da Judah peopo wass goin happen.

2 Kings 3:5

But afta Ahab mahke, Mesha da Moab king make war agains da Israel king, fo ovathrow da Israel territorial govmen.

2 Kings 3:7

Wen he stay go, he sen messenja guys by Jehoshafat, da king fo Judah, fo tell him, “Da Moab king make war agains me, fo throw out da Israel territorial govmen. I like you go wit me fo fight da Moab guys.” Jehoshafat tell, “Shoots! Me an you stay real tight. My peopo an my horses, dey yoas.”

2 Kings 5:2

Had army guys from Aram dat go aroun bus up da peopos dat da Aram army wen take ova. Befo time, dey wen steal one young girl from Israel, an she come one slave fo Naaman wife.

2 Kings 6:23

So da king make one big luau fo dem, an afta dey pau eat an drink, he sen dem away fo go back by dea boss guys. So den da army guys from Aram pau come inside da Israel land fo steal stuff.

2 Records 24:16

Dey bury him wit da king guys inside Jerusalem, David big town, cuz he wen do good kine stuff inside Israel fo God an his Temple.

Zekariah 1:5

“Yoa ancesta guys—wea dey stay now?! Da guys dat wen talk befo time fo me, Da One In Charge—you guys tink dey stay alive foeva, o wat?!

Jesus Guys 8:2

Some guys dat trus God an do wat he tell bury Stephen, an dey stay sad an cry hard cuz he mahke.

Local Leadas 3:12

One mo time da Israel peopo do bad kine stuff, da way God see um. An cuz dey do bad kine stuff, Da One In Charge give Eglon, da king fo Moab, da powa fo win ova da Israel peopo.