2 Kings 13:19 - Hawaii Pidgin Bible

¹⁹ Elisha, da guy dat stay tight wit God, come huhu wit da king, an tell, “How come you neva hit um five o six time, aah?! If you wen do dat, fo shua you goin win ova Aram to da max. But now, you ony goin win ova dem three time.”

2 Kings 13:19 ပူးပေါင်းရင်းမြစ်များ

2 Kings 13:18

Den Elisha tell, “Grab da arrows.” An da king grab um. Elisha tell him, “Hit da groun wit um.” Da king hit da groun three time an den stop.

2 Kings 13:25

Den Jehoash, Jehoahaz boy, take back from Ben-Hadad, Hazael boy, all da towns dat Hazael wen take ova from Jehoash faddah Jehoahaz befo time. Jehoash wen win ova him three time, an dass how he get back da Israel towns.

2 Kings 4:16

Elisha tell, “Dis same time nex year, you goin carry yoa bebe boy inside yoa arms.” She tell, “No way, boss! You one guy dat stay tight wit God. No tell me someting dat no goin happen.”

2 Kings 4:40

Dey pour out da stew fo da guys eat. But wen dey start fo eat um, dey yell, “Eh you! Da guy dat stay tight wit God! Da stew get poison!” An dey no can eat da stew.

2 Kings 5:20

Gehazi, he work fo Elisha, da guy dat stay tight wit God. Gehazi figga, “Bummahs! My boss no like take notting from all da stuff dat Naaman da Aram guy like give him. Jalike fo shua Da One In Charge stay alive, so I stay shua I goin go run afta Naaman, an try get someting from him.”

2 Kings 6:9

Erytime da Aram king do dat, Elisha, da guy dat stay tight wit God, sen one messenja guy by da Israel king fo tell him, “Watch out! wen you go pass by dat place, cuz dass wea da Aram army guys goin make dea war camp.”

Jeremiah 48:10

“I like fo Da One In Charge put kahuna On top anybody dat tell dey work fo Da One In Charge, But dey ony stay do um half-ass kine! An I like fo him put kahuna On top anybody dat tell dey goin fight fo Da One In Charge, But dey no stay use dea sword fo make peopo bleed!

Prieses 10:16

Wen Moses aks Eleazar an Itamar, Aaron two boys dat still stay alive, bout da goat fo da sacrifice cuz dey wen do bad kine stuff, he find out dat dey burn um up awready. Az why he come huhu wit dem. He tell,

Census 16:15

Den Moses come real huhu. He tell Da One In Charge, “No take da sacrifices dey give you! I neva take even one donkey from dem, an I neva do notting agains dem!”

Mark 10:14

Wen Jesus see wat his guys stay do, he come huhu. He tell, “Let da kids come! No stop dem! Cuz da peopo dat make God dea King, inside dey jalike dese kids.

Mark 3:5

Jesus look at all da peopo real good. He stay real huhu. Same time, he feel sad cuz dey hard head. Den he tell da guy, “Stick out yoa hand.” An da guy stick um out, an da hand come good.

Mark 6:5

An Jesus figga, “Eh, how come dey no trus me?” Az why he no do awesome stuff ova dea fo show his powa. He put his hands on top litto bit peopo, an make dem come good. Az why Jesus go odda small towns fo teach odda peopo.