2 Kings 13:14 - Hawaii Pidgin Bible

¹⁴ One time befo Jehoash, da Israel king, mahke, Elisha come sick. Dis, da same sick goin make him mahke bumbye. Jehoash go down see him, an cry ova him. He yell, “My faddah! My faddah! Fo us Israel peopo, you jalike oua war wagons an horse rida guys!”

2 Kings 13:14 ပူးပေါင်းရင်းမြစ်များ

Start 48:1

Afta all dat happen, somebody tell Joseph, “Eh! Yoa faddah stay sick, you know.” Joseph go by Jacob, an he take his two boys, Manasseh an Efraim, wit him.

Start 49:33

Afta Jacob pau tell his boys wat dey gotta do, he pull his feets inside da bed. Den he breave da las time an mahke, an he go meet his peopo from befo time.

Start 50:1

Joseph bend down to his mahke faddah. He cry plenny fo him, an he kiss um.

2 Kings 13:12

All da odda stuff dat Jehoash wen do, an his war agains Amaziah, da Judah king, all dat stay inside da Record Book Fo Da Israel Kings.

2 Kings 13:13

Wen Jehoash mahke, da peopo bury um wit his ancesta guys, inside Samaria town wit all da odda Israel kings. Jeroboam Numba Two come da nex king inside Samaria.

2 Kings 13:15

Elisha tell um, “Go get one bow an some arrows.” An Jehoash go get um.

2 Kings 2:12

Elisha see wat wen happen, an he yell cuz he sore inside, “My faddah! My faddah! Az was da war wagon an da horse driva guys, all from Israel!” Elisha no see Elijah no moa. Den he rip his clotheses, an make two piece, fo show he stay sad inside.

2 Kings 20:1

Dat time, King Hezekiah come sick an almos mahke. Isaiah, Amoz boy dat talk fo God, go by him an tell, “Lissen up. Dis one spesho message from Da One In Charge: Go make eryting ready, cuz you goin mahke. You no goin come good.”

2 Kings 6:21

Wen da Israel king see dem, he tell Elisha, “My faddah, you like me kill dem, o wat?”

Songs 12:1

Eh! You Da One In Charge! Try help me! Cuz no mo nobody I can trus. I no can find nobody dat stay tight wit me!

Smart Guys 11:11

Da peopo dat erytime do wass right, Good tings come to dea town cuz a dem, An da town come mo betta. But wen da bad kine peopo open dea mout, Da town come jam up.

Isaiah 57:1

But da peopo dat get um right wit God, Wen dey mahke, Nobody even tink bout dat. Da peopo dat stay tight wit God, He take dem away. But nobody undastan God stay take away da good kine guys too, So dey no suffa from da bad kine stuff Da odda peopo stay do.

Ezekiel 14:14

Even if get Noah, Daniel, an Job stay inside dat country, dey da ony ones goin get outa trouble. Cuz dey do da right kine stuff. But dey no can help da odda peopo. Az wat Da One In Charge, da Boss, tell.

Ezekiel 22:30

“Me, Da One In Charge wen look fo one guy from da Israel land fo build up da wall one mo time, an stan up fo me, inside da place wea da wall stay broke down, so I no gotta wipe out da land. But I no find nobody.

Zekariah 1:5

“Yoa ancesta guys—wea dey stay now?! Da guys dat wen talk befo time fo me, Da One In Charge—you guys tink dey stay alive foeva, o wat?!

John 11:3

So Lazarus sistahs sen guys fo tell Jesus, “You Da One In Charge, yoa good fren Lazarus, he stay sick.”

Jesus Guys 13:36

“David, he work fo do wat God like him fo do wen he stay alive, an den he mahke. Dey bury him wit his ancesta guys, an his body come rotten.

Philippi 2:26

He tink plenny bout all you guys. Bodda him plenny dat you guys wen hear he stay sick.