2 Kings 10:6 - Hawaii Pidgin Bible

⁶ Den Jehu write anodda letta to dem. He tell, “If you guys stay my side, an goin do wat I tell, cut off da heads from yoa boss Ahab boys, an bring um by me inside Jezreel town dis same time tomorra.” Now da seventy boys stay wit da main leadas fo Samaria town, cuz da main leadas stay take kea dem.

2 Kings 10:6 ပူးပေါင်းရင်းမြစ်များ

2 Kings 10:5

So da guy dat stay in charge a da palace, da mayor fo da big town, da older leada guys, an da guys dat take kea a da Ahab boys, sen messenjas fo go tell Jehu, “We stay yoa helpa guys now. We goin do wateva you tell us we gotta do. We no goin make nobody king. You do wateva you figga az good.”

2 Kings 10:7

Wen da numba two letta come, da leada guys go get da boys an kill all seventy king boys. Dey put dea heads inside clay pots, an sen dem by Jehu inside Jezreel.

2 Kings 10:9

Da nex morning Jehu go outside da gate. He stan in front all da peopo an tell dem, “You guys go figga if dis ting right o not. Try figga bout dis: I da guy dat wen make one plan wit my guys, fo go agains my boss, an kill him. But who wen kill all dese boys?

2 Kings 9:32

Jehu look up da window, an tell, “Get anybody up dea on my side, o wat?!” Two o three a da palace guys look down at him.

Job 21:19

Get peopo dat tell, ‘God wait, an layta He punish da bad guys kids fo wat dea faddahs wen do.’ Eh! Mo betta God pay back da bad guy! So da bad guy goin know az God dat do um!

Census 25:4

Da One In Charge tell Moses, “Take all da leada guys fo oua peopo dat do dat. Kill um in front me. Let dea mahke bodies stay in front me all da time da sun stay up. Az how I no goin stay huhu no mo agains da Israel peopo.”

Matthew 12:30

If you no stay wit me, den you stay agains me. Da guy dat no work wit me, he ony work agains me.

Luke 9:50

Jesus tell him an da odda guys, “No stop him, cuz whoeva not agains you, dey fo you.”

Rules Secon Time 5:9

No go down in front odda gods fo show um love an respeck, an no work fo dem. Cuz I yoa God, Da One In Charge! An if you go down in front da odda gods, I one jealous God! I punish da peopo dat do bad tings. I go afta dem an I punish da ones dat hate me. An if dea kids do da same ting, I punish dem too, an same ting wit dea grankids, an even dea great-grankids.